Fréttir

Rafrænt bókunarkerfi fyrir stoðþjónustu

Sett hefur verið á laggirnar rafrænt bókunarkerfi fyrir námsráðgjafa og sálfræðinga þannig nemendur geta nú bókað tíma á netinu. Ýttu á fréttina til að bóka tíma.

Síðdegisskóli

Fjölbrautaskóli Suðurnesja í samstarfi við Mennta- og menningarmálaráðuneytið er að fara af stað með grunnnám í eftirfarandi greinum: Húsasmíði, rafiðngreinum og háriðngreinum. Ýtið hér til að fá meiri upplýsingar.

Ókeypis Dale Carnegie vinnustofa fyrir nemendur

Dale Carnegie býður nemendum okkar upp á ókeypis 90 mínútna Live online vinnustofu nk. miðvikudag 30. september kl. 15.50. Allir nemendur sem hafa áhuga geta tekið þátt. Dale Carnegie býður upp á ýmsar hagnýtar leiðir í námi og starfi sem gott er að kynnast.

Íþróttavika Evrópu

FS tekur þátt í Íþróttaviku Evrópu (European Week of Sport) sem er haldin formlega dagana 23. – 30. september nk. í yfir 30 Evrópulöndum, en vegna Covid-19 verður fyrirkomulagið aðeins öðruvísi en áætlað var í byrjun. Markmið Íþróttaviku Evrópu er að kynna íþróttir og almenna hreyfingu um alla Evrópu.

Grímuskylda

Grímuskylda hefur nú tekið gildi í FS samkvæmt boði sóttvarnaryfirvalda. Nemendur og kennarar eru vinsamlegast beðnir um að fylgja reglum um grímuskyldu í skólabyggingunni. Nemendur eru hvattir til að mæta með sínar eigin grímur en einnig verður hægt að fá grímur í skólanum, við innganga og/eða á skrifstofu.

Takmörkun á skólastarfi vegna farsóttar

Í upphafi annar einkennist skólastarf FS af ýmsum takmörkunum. Stokkatöflunni hefur verið breytt til að minnka umgang nemenda um húsið. Nemendur eru beðnir um að ganga inn um ákveðna innganga til að komast inn í skólann og matartíminn er þrískiptur. Eins fer hluti af námi nemenda fram í fjarnámi, blöndu af stað- og fjarnámi eða staðnámi eingöngu. Nánari upplýsingar...

Kennsla hefst

Nú fer skólinn okkar alveg að byrja en kennsla hefst mánudaginn 24. ágúst nk. Búið er að opna stundatöflur í skólakerfinu Innu. Búið er að breyta stokkatöflunni frá því sem verið hefur en það var gert til þess að fækka tímum sem nemandi er í á hverjum degi. Stokkatöfluna má sjá neðar hér á heimasíðu skólans.

Upphaf haustannar 2020

Upphaf haustannar verður með breyttu sniði vegna Covid 19. Ráðgert var að hefja kennslu fimmtudaginn 20. ágúst, en nú hefur verið ákveðið að færa upphaf kennslu til mánudagsins 24. ágúst. Þá hefst kennsla í skólanum samkvæmt stundatöflu, en töflurnar ættu að vera tilbúnar um miðja næstu viku. Stundatöflubreytingar verða rafrænar í Innu síðar í þeirri viku (auglýst sérstaklega).

Nýnemadagur 17. ágúst

Nýnemadagurinn verður haldinn 17. ágúst. Nýnemar eru þeir nemendur sem eru að hefja nám í framhaldsskóla í fyrsta skipti og eru fæddir árið 2004. Nýnemahópnum verður þrískipt á eftirfarandi hátt:

Umsóknarfrestur framlengdur fyrir eldri nemendur

Eldri nemendur (fæddir 2003 og fyrr) geta nú sótt um skólavist á næstu önn en umsóknarfrestur hefur verið framlengdur. Sótt er um á vef Menntamálastofnunar og þarf að skrá sig inn með Íslykli.