Tómstundafulltrúi

Tómstundafulltrúi aðstoðar við félagslíf nemenda og vinnur að forvarnamálum.

Félagslíf

Tómstundafulltrúi er nemendum innan handar varðandi öll málefni er tengjast starfsemi NFS. Í því felst m.a. að tómstundafulltrúi:

• Situr fundi með stjórn NFS varðandi skipulag félagslífs nemenda og aðstoðar við gerð starfs- og fjárhagsáætlana.
• Situr fundi með formönnum klúbba.
• Aðstoðar nemendur við að koma með hugmyndir að klúbbastarfsemi, skipulagi og auglýsingum.
• Er viðstaddur uppákomur á vegum NFS.
• Sér um að fá kennara eða annað starfsfólk til að vera í gæslu á uppákomum á vegum NFS í samráði við skólameistara.
• Aðstoðar nemendur við leyfisbeiðnir til lögreglu.
• Sér til þess að samskipti nemenda og lögreglu varðandi dansleiki gangi greiðlega.
• Er tengiliður milli stjórnenda skólans og NFS.
• Upplýsir kennara og aðra starfsmenn reglulega um hvað er á döfinni hjá NFS.
• Hefur samráð við umsjónarmann um notkun NFS á húsnæði skólans.

Forvarnir

FORVARNASTEFNA FJÖLBRAUTASKÓLA SUÐURNESJA

Stefna og viðbragðsáætlun gegn einelti, kynferðislegri áreitni og ofbeldi

Tómstundafulltrúi  vinnur að forvörnum:

• Vinnur með námsráðgjöfum og stjórnendum að skipulagi forvarnarstarfs.
• Vinnur með stjórn NFS að því að nemendur tileinki sér vímuefnalausan lífsstíl og virði reglur skólans. Á ferðalögum og á skemmtunum á vegum skólans og NFS er neysla áfengis og annarra vímuefna bönnuð.
• Er nemendum til aðstoðar varðandi skipulagningu skemmtana.
• Hefur samráð við félagsmálayfirvöld í sveitarfélögunum á Suðurnesjum um málefni ósjálfráða nemenda er tengjast neyslu vímuefna.
• Hefur viðtalstíma fyrir starfsfólk og nemendur sem vilja tala við hann í trúnaði.
• Vinnur úr upplýsingum varðandi vímuefnavanda nemenda og kemur málefnum í viðurkenndan farveg.
• Greiðir götu þeirra nemenda sem vilja leita sér aðstoðar eða meðferðar vegna neyslu áfengis eða annarra vímuefna.
• Sækir fundi og námskeið sem tengjast forvörnum.
• Vinnur að því að nemendur skólans taki gagnrýna afstöðu til fíkniefnaneyslu. Meðal annars með því að skipuleggja fyrirlestra eða aðrar uppákomur á sal a.m.k. einu sinni á önn.
• Skipuleggur í samráði við stjórnendur og NFS forvarnaviku á vorönn sem lýkur með kvöldskemmtun í skólanum.