Fréttir

Fjölbrautaskóli Suðurnesja í samstarfi við Mennta- og menningarmálaráðuneytið er að fara af stað með grunnnám í eftirfarandi greinum: Húsasmíði, rafiðngreinum og háriðngreinum Í boði verða mismunandi möguleikar á námi í hverri grein. Annars vegar að taka 2-3 verklegar greinar eða 2 bóklegar og hins vegar að taka allt námið sem tilheyrir fyrstu önninni. Þessi mismunandi tilboð eru hugsuð til að koma til móts við ólíka aðstöðu fólks s.s. þeir sem hafa misst vinnuna eða eru í hlutastarfi. Ýtið hér til að fá meiri upplýsingar.

Dale Carnegie býður nemendum okkar upp á ókeypis 90 mínútna Live online vinnustofu nk. miðvikudag 30. september kl. 15.50. Allir nemendur sem hafa áhuga geta tekið þátt. Dale Carnegie býður upp á ýmsar hagnýtar leiðir í námi og starfi sem gott er að kynnast.

FS tekur þátt í Íþróttaviku Evrópu (European Week of Sport) sem er haldin formlega dagana 23. – 30. september nk. í yfir 30 Evrópulöndum, en vegna Covid-19 verður fyrirkomulagið aðeins öðruvísi en áætlað var í byrjun. Markmið Íþróttaviku Evrópu er að kynna íþróttir og almenna hreyfingu um alla Evrópu og sporna þannig við auknu hreyfingarleysi meðal almennings.

Grímuskylda hefur nú tekið gildi í FS samkvæmt boði sóttvarnaryfirvalda. Nemendur og kennarar eru vinsamlegast beðnir um að fylgja reglum um grímuskyldu í skólabyggingunni. Nemendur eru hvattir til að mæta með sínar eigin grímur en einnig verður hægt að fá grímur í skólanum, við innganga og/eða á skrifstofu.

Í upphafi annar einkennist skólastarf FS af ýmsum takmörkunum. Stokkatöflunni hefur verið breytt til að minnka umgang nemenda um húsið. Nemendur eru beðnir um að ganga inn um ákveðna innganga til að komast inn í skólann og matartíminn er þrískiptur. Eins fer hluti af námi nemenda fram í fjarnámi, blöndu af stað- og fjarnámi eða staðnámi eingöngu. Nánari upplýsingar...

Nú fer skólinn okkar alveg að byrja en kennsla hefst mánudaginn 24. ágúst nk. Búið er að opna stundatöflur í skólakerfinu Innu. Búið er að breyta stokkatöflunni frá því sem verið hefur en það var gert til þess að fækka tímum sem nemandi er í á hverjum degi. Stokkatöfluna má sjá neðar hér á heimasíðu skólans.

Upphaf haustannar verður með breyttu sniði vegna Covid 19. Ráðgert var að hefja kennslu fimmtudaginn 20. ágúst, en nú hefur verið ákveðið að færa upphaf kennslu til mánudagsins 24. ágúst. Þá hefst kennsla í skólanum samkvæmt stundatöflu, en töflurnar ættu að vera tilbúnar um miðja næstu viku. Stundatöflubreytingar verða rafrænar í Innu síðar í þeirri viku (auglýst sérstaklega).

Nýnemadagurinn verður haldinn 17. ágúst. Nýnemar eru þeir nemendur sem eru að hefja nám í framhaldsskóla í fyrsta skipti og eru fæddir árið 2004. Nýnemahópnum verður þrískipt á eftirfarandi hátt:

Hér má sækja skóladagatal næsta skólaárs, 2020-2021.

Eldri nemendur (fæddir 2003 og fyrr) geta nú sótt um skólavist á næstu önn en umsóknarfrestur hefur verið framlengdur. Sótt er um á vef Menntamálastofnunar og þarf að skrá sig inn með Íslykli.