- Nám í rafvirkjun hefst á fjórum önnum í grunnnámi rafiðnar en þegar þeim er lokið taka við tvær annir í rafvirkjun. Rafvirkjanám er þriggja ára nám auk starfsþjálfunar.
- Haldið er utan um starfsþjálfun með rafrænni ferilbók sem nemendur þurfa að ljúka áður en þeir útskrifast.
- Námið er bæði verklegt og bóklegt og að námi loknu geta nemendur tekið sveinspróf og byrjað að vinna sem rafvirkjar eða haldið áfram í frekara nám.
- Þetta nám er góður grunnur hvort sem farið er beint út á vinnumarkaðinn eða sem undirbúningur fyrir m.a. tækninám á háskólastigi.
Um brautina
- Nám í rafvirkjun er bæði bóklegt og verklegt. Námið er 255 einingar og skipulagt sem 6 annir í skóla ásamt starfsþjálfun.
- Ef nemandi hefur ekki lokið 1. ári í grunnnámi rafvirkjunar með viðunandi árangri er hugsanlegt að hann fái ekki að hefja nám á 2. ári fyrr en hann hefur lokið sérgreinum brautar 1. árs.
- Að loknu grunnnámi rafiðna getur nemandi farið samningsleið sem felur í sér að hann getur hafið störf hjá meistara. Meistari og nemandi votta hæfniþrep sem áskilin eru í ferilbókinni. Einnig er hægt að fara skólaleið en þá útvegar skólinn nemanda pláss hjá meistara. Ef skólaleiðin er farin er nemandinn launalaus. Ferilbókin gildir í hámark 48 vikur. Hér eru nánari upplýsingar og skráning í ferilbókina.
- Til að ljúka námi í rafvirkjun þarf að ljúka námi í skóla ásamt rafrænni ferilbók sem heldur utan um vinnustaðanám/starfsþjálfun nemanda. Eftir útskrift getur nemandinn þreytt sveinspróf.
- Nánari upplýsingar um brautina má sjá á námskrá.is.
Inntökuskilyrði
Inntökuskilyrði á rafvirkjabraut eru að hæfnieinkunn í íslensku og stærðfræði sé að lágmarki C+ við lok grunnskóla. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.