TNTÆ1GA03 - Tölvu- og nettækni 1

Lýsing

Í áfanganum kynnist nemandinn samsetningu einkatölvu. Farið er í byggingarhluta tölvu og hlutverk þeirra. Gengið er frá uppsetningu á stýrikerfi og notendahugbúnaði fyrir tölvu. Áfanginn er einnig kynning á stafrænni tækni og beitingu hennar við tæknileg úrvinnsluefni. Nemendur kynnast rökhugtökum, mismunandi talnakerfum, Boole-framsetningu og teiknistöðlum. Reikniaðferðir rökrása eru kynntar og kóðar. Nemendur læra að nota sannleikstöflur og bólskar-jöfnur til að skilgreina virkni rökrása.

Nemandi skal hafa öðlast þekkingu og skilning á:

• helstu byggingarhlutum tölvu og helsta hlutverki þeirra
• helstu stýrikerfium og geti sett þau upp
• helstu notendaforritum
• helstu hugtökum stafrænnar tækni
• talnakerfum sem notuð eru í stafrænni tækni
• helstu reikniaðferðum rökrása
• Bólskum-jöfnum sem skilgreina virkni rökrása

Nemandi skal hafa öðlast leikni í að:

• setja saman tölvu úr byggingarhlutum sínum
• forsníða harðan disk
• setja upp stýriforrit
• skilgreina virkni einfaldra rökrása

Nemandi skal geta hagnýtt þá almennu þekkingu og leikni sem hann hefur aflað sér til að:

• bera kennsl á helstu bilanaeinkenni í tölvu
• leggja mat á gildi hinna ýmsu hugtaka við mat á afkastagetu tölvu
• lesa virkni einfaldra rökrása
• hanna rökrás út frá skilyrtri virkni
• skilja einfaldar rökrásir

Grunnþættir menntunar

Í þessum áfanga er unnið markvisst að því að efla faglæsi nemenda á táknkerfi, teikningar og tæknilegar upplýsingar. Lögð er rík áhersla á sköpun og lausnamiðaða hugsun þar sem nemendur hagnýta þekkingu sína í raunhæfum verkefnum. Sjálfbærni og fagleg vinnubrögð eru fléttuð inn í námið með áherslu á skynsamlega nýtingu efnis og varanlegar lausnir. Öryggi er ætíð í forgrunni til að tryggja heilbrigði og velferð í vinnuumhverfinu. Lýðræði og mannréttindi birtast í því að ríkt samráð er haft við nemendur; þeim er tryggt rými til að veita ábendingar, eiga uppbyggilegt samtal við kennara um tímasetningar á verkefnum og prófum. Loks er jafnrétti lagt til grundvallar í öllu starfi, þar sem öllum eru tryggð jöfn tækifæri til að dafna og eflast sem fagaðilar í hvetjandi námsumhverfi.