Hársnyrtiiðn 2026 - fyrri hluti (HG26)

Um brautina

Langar þig að verða hársnyrtir?
Í náminu öðlast þú þekk­ingu, leikni og hæfni sem er nauðsynleg í hársnyrtiiðn.
Hár­greiðsla, klipping, rakstur og litun – skap­andi fag í líf­legu starfs­um­hverfi.

Hársnyrtinámið er 6 annir auk vinnustaðanáms.

• Grunnnám í hárgreiðslu er kennt við Fjölbrautaskóla Suðurnesja. Aðeins er hægt að taka grunnnámið hér en fjórar annir á grunnbraut eru kenndar á fjórum önnum. Tekinn er inn hópur í námið annað hvert ár og hann klárar annirnar fjórar áður en næsti hópur er tekinn inn.
• Eftir það þarf að taka framhaldsbraut sem er tvær annir í Tækniskólanum í Reykjavík eða Verkmenntaskólanum á Akureyri.
• Auk þess eru 52 vikur í vinnustaðanámi á hársnyrtistofu samkvæmt hæfnikröfum ferilbókar.
• Verklegi hluti námsins er kennt í flæði alla morgna vikunnar auk iðnfræði og iðnteikningu.
• Upphafskostnaður í áhöldum, skærum, hári, Lab kennsluvef og bókum er í kringum 150 þúsund króna og nýtist allt nema hárið út námstímann.

Inntökuskilyrði

Inntökuskilyrði á hársnyrtibraut eru að hæfnieinkunn í íslensku og stærðfræði sé að lágmarki C+ við lok grunnskóla. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið.

Skipting á annir

Hugmynd að skiptingu námsgreina á annir.

SKIPTING Á ANNIR - Hársnyrtiiðn 2026, fyrri hluti

Prentvæn útgáfa

PDF-skjal með útgáfu af Hársnyrtiiðn 2026 - fyrri hluti til að prenta út.

Prentvæn útgáfa - Hársnyrtiiðn 2026, fyrri hluti