Starfsbraut 2016 (ST16) - 240 ein.

Starfsbraut er ein af mörgum brautum skólans. Markmið starfsbrautar er að undirbúa nemendur undir lífið og þátttöku í atvinnulífinu og/eða frekara námi. Nemendahópurinn er breiður og námið og/eða hæfniviðmiðin geta verið einstaklingsmiðuð. Starfsbraut er fyrir nemendur sem hafa verið í námsverum eða í sérdeildum í grunnskólum og/eða haft aðlagað námsefni. Nemendur þurfa einnig að hafa viðurkennd greiningargögn til að komast inn á brautina. Unnið er út frá styrkleikum hvers og eins og áhersla er á að efla sjálfsmynd nemenda. Að námi loknu eiga nemendur að hafa fengið almennan undirbúning fyrir lífið og í grunnþáttum menntunar. Þeir eiga einnig að hafa kynnst og/eða öðlast starfsreynslu á vinnumarkaði. Námið er á fyrsta þrepi, þ.e. almenn og hagnýt þekking sem miðast við stöðu hvers og eins. Ekkert er því til fyrirstöðu að nemendur geti tekið áfanga á öðrum námsþrepum og námsbrautum, þ.e. ef þeir hafa áhuga og/eða hæfni til þess. Nám á starfsbraut tekur allt að fjögur ár en þar sem námið er einstaklingsmiðað geta áherslur og þátttaka í áföngum verið mismunandi á tímabilinu. Leitast verður við að hafa námið sem fjölbreyttast og þverfaglegt innan brautar og í samstarfi við aðrar brautir.

Námi á starfsbraut lýkur með brautskráningu eftir fjögur ár. Mögulegt er að brautskrá nemanda fyrr ef aðstæður nemanda leyfa. Námið er einstaklingsmiðað og því geta áherslur og þátttaka í áföngum verið mismunandi á tímabilinu.

Nánari upplýsingar um starfsbrautina má nálgast á https://namskra.is/programmes/cc1b0dd8-ea24-4a48-b19e-e1d7a7a14bbe

Prentvæn Útgáfa (PDF-skjal)

Að loknu námi á Starfsbraut FS skal nemandi hafa hæfni til að:

• Þekkja styrkleika sína
• Vera þátttakandi á vinnumarkað að námi loknu
• Taka þátt í í lýðræðisþjóðfélagi
• Hlusta á sjónarmið annarra af víðsýni
• Lesa í og/eða nýta sér mismunandi upplýsingar í umhverfinu
• Leggja mat á árangur sinn og möguleika sína
• Tjá eigin skoðanir
• Leita nýrra leiða og mynda sér sjálfstæðar skoðanir
• Nýta sér fjölbreyttar nálganir í daglegu lífi
• Nýta sér læsi í víðu samhengi
• Auka sjálfstraust sitt og trú á eigin málfærni í tjáningu og/eða ritun
• Lesa í og/eða nýta sér upplýsingar sem koma fram í útvarpi, sjónvarpi og í netmiðlum
• Virða fjölbreytileika náttúru, umhverfis og fólks
• Lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni
• Verða félagslega, tilfinningalega og siðferðilega tilbúnari undir þátttöku í þjóðfélaginu sem samfélagsþegnar
• Geta nýtt sér viðeigandi stuðningstæki þegar það á við, s.s. reiknivél í símum, leiðréttingarforrit og talgervla
• Átti sig á tengingunni á milli réttinda og skyldna