VGRT2GC04 - Verktækni rafiðna 3

Lýsing

Nemendur læra að beita rásahermiforritum til að teikna og prófa einfaldar rafeindarásir. Nemendur gera jafnframt allar mælingar í slíkum forritum, smíða rás, prentplötu og setja rásirnar saman. Síðan staðfesta þeir virkni rásarinnar.

Nemandi skal hafa öðlast þekkingu og skilning á:

• virkni rásahermiforrita
• virkni helstu íhluta
• hvernig kopar prentrása er
• forritum til að teikna prentrásir
• forritum sem teikna rafeindarásir

Nemandi skal hafa öðlast leikni í að:

• vinna með og prófa rásir í rásahermum
• snúa skematískum teikningum yfir á prent
• mæla og prófa rásir bæði í rásahermi og raunrás

Nemandi skal geta hagnýtt þá almennu þekkingu og leikni sem hann hefur aflað sér til að:

• teikna rafeindarás í rásahermi
• láta rásina virka í rásahermi
• mæla spennur, strauma og viðnám í rásahermi
• hanna prent út frá rásateikningu
• smíða rás með etching aðferð
• prófa og staðfesta virkni í raunrás

Grunnþættir menntunar

Í þessum áfanga er unnið markvisst að því að efla faglæsi nemenda á táknkerfi, teikningar og tæknilegar upplýsingar. Lögð er rík áhersla á sköpun og lausnamiðaða hugsun þar sem nemendur hagnýta þekkingu sína í raunhæfum verkefnum. Sjálfbærni og fagleg vinnubrögð eru fléttuð inn í námið með áherslu á skynsamlega nýtingu efnis og varanlegar lausnir. Öryggi er ætíð í forgrunni til að tryggja heilbrigði og velferð í vinnuumhverfinu. Lýðræði og mannréttindi birtast í því að ríkt samráð er haft við nemendur; þeim er tryggt rými til að veita ábendingar, eiga uppbyggilegt samtal við kennara um tímasetningar á verkefnum og prófum. Loks er jafnrétti lagt til grundvallar í öllu starfi, þar sem öllum eru tryggð jöfn tækifæri til að dafna og eflast sem fagaðilar í hvetjandi námsumhverfi.