ENSK2KO05 - Enska - Krefjandi orðaforði

Undanfari : Enska úr grunnskóla B eða undirbúningsáfangi
Í boði : Alltaf

Lýsing

Áhersla er lögð á að nemendur verði vel læsir á krefjandi texta. Þeir verða þjálfaðir í að tileinka sér krefjandi orðaforða, tjá hugsun sína skýrt í riti og rökstyðja skoðanir sínar. Áhersla er lögð á vandlegan lestur texta með það fyrir augum að byggja upp virkan orðaforða og góðan skilning. Lesin eru bókmenntaverk úr hinum enskumælandi menningarheimi.

Nemandi skal hafa öðlast þekkingu og skilning á:

  • menningu, viðhorfum og gildum í tilteknum enskumælandi löndum
  • orðaforða sem nauðsynlegur er til að standast hæfniviðmið þrepsins
  • notkun tungumálsins sem er nauðsynleg til að standast hæfniviðmið þrepsins
  • helstu hefðum um uppsetningu og skipulag ritaðs máls

Nemandi skal hafa öðlast leikni í að:

  • skilja fjölbreytt mál
  • lesa margs konar gerðir texta
  • beita málfari við hæfi í samskiptum
  • tjá sig um málefni sem hann hefur undirbúið
  • skrifa margs konar texta

Nemandi skal geta hagnýtt þá þekkingu og leikni sem hann hefur aflað sér til að:

  • skilja almennt talað mál
  • tileinka og nýta sér efni ritaðs texta
  • lesa texta og geta tjáð sig munnlega eða skriflega um efni þeirra
  • tjá sig á skýran og áheyrilegan hátt
  • skrifa læsilegan texta um efni frá eigin brjósti
  • skrifa margskonar texta og fylgja þeim ritunarhefðum sem við eiga hverju sinni

Grunnþættir menntunar

Í enskukennslu eru grunnþættir menntunar samofnir námsefni og kennsluháttum. Læsi, tjáning og samvinna eru þungamiðja námsins þar sem nemendur þjálfa sig í að lesa, skrifa, hlusta og tala á ensku í fjölbreyttu samhengi. Sköpun og gagnrýnin hugsun eru hlutaðeigandi þegar nemendur túlka texta, mynda sér skoðanir og tjá sig á persónulegan hátt. Lýðræðisleg gildi og virðing fyrir fjölbreytileika birtast í umræðum um menningu, samfélag og manngildi í enskumælandi heimi. Stafrænt læsi og miðlamennt eru æfð í gegnum fjölbreyttar verkefnategundir og notkun á fjölbreyttum textategundum.