RAFL3RE04 - Raflagnir 5

Lýsing

Nemandinn læri uppbyggingu á húsveitum fyrir allt að 100 A. Heimtaugum að einbýlis- og fjölbýlishúsum og helstu raflögnum og búnaði fyrir ljósa og tenglagreinar. Áhersla er lögð á kunnáttu á varnarráðstöfunum í stærri húsveitum. Farið verður í sérákvæði varðandi raflagnir í einstökum rýmum og staðsetningu á rafdreifiskápum. Sett verður upp aðaltafla, lagnir frá henni m.a. að þriggja fasa hreyfli. Gerða verða mælingar og kostnaðaráætlanir.

Nemandi skal hafa öðlast þekkingu og skilning á:

• uppbyggingu og virkni varnarráðstafana
• öryggismælingum á húsveitu
• reglugerðarákvæðum og stöðlum varðandi neysluveitur
• mismunandi láspennu kerfum

Nemandi skal hafa öðlast leikni í að:

• tengja heimtaugar við húsveitur upp að 100 Amper
• setja upp og tengja aðaltöflu upp að 100 Amper
• ganga frá stýringu og tengja þriggja fasa hreyfil
• tengja þriggja fasa tengla og klær

Nemandi skal geta hagnýtt þá almennu þekkingu og leikni sem hann hefur aflað sér til að:

• ákveða stærð aðaltöflu
• mæla hringrásar viðnám, einangrunnarviðnám og fasaröðun
• gert úttektar skýrslu
• ákvarða röðun búnaðar í aðaltöflu
• skila verkinu fagmannalega frá sér

Grunnþættir menntunar

Í þessum áfanga er unnið markvisst að því að efla faglæsi nemenda á táknkerfi, teikningar og tæknilegar upplýsingar. Lögð er rík áhersla á sköpun og lausnamiðaða hugsun þar sem nemendur hagnýta þekkingu sína í raunhæfum verkefnum. Sjálfbærni og fagleg vinnubrögð eru fléttuð inn í námið með áherslu á skynsamlega nýtingu efnis og varanlegar lausnir. Öryggi er ætíð í forgrunni til að tryggja heilbrigði og velferð í vinnuumhverfinu. Lýðræði og mannréttindi birtast í því að ríkt samráð er haft við nemendur; þeim er tryggt rými til að veita ábendingar, eiga uppbyggilegt samtal við kennara um tímasetningar á verkefnum og prófum. Loks er jafnrétti lagt til grundvallar í öllu starfi, þar sem öllum eru tryggð jöfn tækifæri til að dafna og eflast sem fagaðilar í hvetjandi námsumhverfi.