RAFL1GA03 - Raflagnir 1

Lýsing

Nemandinn kynnist vel starfi og starfssviði rafiðnaðarmannsins, öðlist skilning á eðlisfræðilegri hegðun rafmagns og fræðist um virkni ólíkra rofa með tengi- og smíða verkefnum. Einnig kynnist hann því efni sem notast er við í einfaldar raflagnir. Nemandinn fær fræðslu um öryggismál og honum kynntar reglugerðir sem gilda fyrir fagið.

Nemandi skal hafa öðlast þekkingu og skilning á:

• öryggismálum og reglugerðum er varða vinnu við rafmagn.
• verkfærum rafiðnarmannsins og helstu störfum.
• skilning á virkni mismunandi rofa
• helstu teiknitáknum
• litakóða víra

Nemandi skal hafa öðlast leikni í að:

• tengja rofa, samrofa, krónurofa og krossrofa
• leggja kapallagnir fagmannlega á lítið spjald
• leggja röralagnir fagmannlega á lítið spjald
• tengja falir klær og fjöltengi
• beita réttum verkfærum

Nemandi skal geta hagnýtt þá almennu þekkingu og leikni sem hann hefur aflað sér til að:

• geta valið einfaldan lagnabúnað með tilliti til aðsæðna
• geta greint mun á faglegum og ófaglegum vinnubrögðum
• gæta fyllsta öryggis í umgengni við rafmagn

Grunnþættir menntunar

Í þessum áfanga er unnið markvisst að því að efla faglæsi nemenda á táknkerfi, teikningar og tæknilegar upplýsingar. Lögð er rík áhersla á sköpun og lausnamiðaða hugsun þar sem nemendur hagnýta þekkingu sína í raunhæfum verkefnum. Sjálfbærni og fagleg vinnubrögð eru fléttuð inn í námið með áherslu á skynsamlega nýtingu efnis og varanlegar lausnir. Öryggi er ætíð í forgrunni til að tryggja heilbrigði og velferð í vinnuumhverfinu. Lýðræði og mannréttindi birtast í því að ríkt samráð er haft við nemendur; þeim er tryggt rými til að veita ábendingar, eiga uppbyggilegt samtal við kennara um tímasetningar á verkefnum og prófum. Loks er jafnrétti lagt til grundvallar í öllu starfi, þar sem öllum eru tryggð jöfn tækifæri til að dafna og eflast sem fagaðilar í hvetjandi námsumhverfi.