Keppinautar Bruno á Dimissio haustannar

Dimissio fór fram á sal föstudaginn 28. nóvember en þá bjóða væntanlegir útskriftarnemendur upp á dagskrá á sal. Hópurinn var að þessu sinni klæddur í kokkabúninga og til að halda upp á Svartan föstudag voru allir svartklæddir! Hópurinn sprellaði aðeins í morgunsárið og síðan var boðið upp á glæsilegan morgunmat í mötuneytinu. Síðan var komið að dagskrá á sal þar sem hópurinn veitti kennurum og starfsfólki viðurkenningar fyrir vel unnin störf og ýmislegt fleira. Þar voru krýnd gullmoli skólans, krúttið, yapperinn, íþróttafríkið og margir fleiri. Þá er ekkert annað eftir en að klára önnina af krafti en útskrift verður föstudaginn 19. desember.

Í myndasafninu eru nokkrar myndir frá Dimissio haustannar.