MÖRY4VV01(BA) - Meistaranám - Öryggisfræði, öryggis- og vinnuvistfræði

Undanfari : Sveinspróf í rafvirkjun, rafvélavirkjun eða rafveituvirkjun
Í boði : Haust

Lýsing

Áfangar í pakkavali rafvirkjunar í iðnmeistaranámi eru kenndir hjá Rafmennt.

Viðfangsefni áfangans er áhættumat starfa og vinnuvernd. Lögum samkvæmt ber atvinnurekandi ábyrgð á að gerð sé skrifleg áætlun um öryggi og heilbrigði á vinnustað. Á niðurstöðum áhættumats skal svo gerð áætlun um heilsuvernd. Í áfanganum læra nemendur um helstu þætti sem tengjast áhættumati, framkvæmd þess, gerð vinnuverndaráætlana og þeirra jákvæðu breytinga og þekkingu sem þessir þættir skila inn í fyrirtæki. Farið er yfir grundvallaratriði í rafmagnsöryggi. Fjallað er um helstu hættur af rafmagni og áhrif rafmagns á mannslíkamann ásamt því að farið er yfir rétt vinnubrögð í og við raforkuvirki stór og smá, verklag og verkfæri til notkunar við rafmagnsvinnu. Einnig er fjallað um störf „kunnáttumanna“, hvernig staðið er að setningu og afnámi öryggisráðstafana og vinnu við rekstrareiningu í raforkukerfum. Jafnframt er farið yfir ábyrgðir, framkvæmd og samræmd vinnubrögð við rof og undirbúning vinnu við kerfishluta eða rekstrareiningar í raforkukerfum. Farið er yfir ákvæði gildandi reglugerða varðandi vinnu við raforkuvirki og túlkun þeirra. Sérstaklega er farið í gildandi verklagsreglur Mannvirkjastofnunar.


Nemandi skal hafa öðlast þekkingu og skilning á:

  • þeim fjölmörgu atriðum sem áhættumat skal taka til s.s: álags, félagslegs og andlegs aðbúnaðar, umhverfisþátta, efni og notkun hættulegra efna á vinnustað, véla og tækja
  • verkferlum sem fylgt er við áhættumat starfa og vinnustaða
  • mikilvægi þess að störf og vinnustaðir séu áhættumetnir
  • nauðsyn þess að störf rafiðnaðarmanna séu metin út frá fjölbreyttum störfum þeirra
  • helstu áhættuþáttum sem störf rafiðnaðarmanna fela í sér
  • helstu hjálpartækjum sem notuð eru við gerð áhættumats
  • helstu þáttum sem skoðaðir eru við gerð áhættumats
  • helstu sértæku verkfæri sem nýtt eru við áhættumat verklegra framkvæmda
  • þeim jákvæðu breytingum og þekkingu sem verða til á vinnustöðum í kjölfar áhættumats
  • gildi og ávinning þess að heilsuverndaráætlun sé gerð á vinnustöðum


Nemandi skal hafa öðlast leikni í að:

  • greina helstu áhættuþætti á vinnustöðum
  • velja þá þætti starfs rafiðnaðarmanna og vinnustaða þeirra sem þarf að áhættumeta
  • beita kerfisbundnum aðferðum við áhættumat starfa og vinnustaða
  • nýta hjálpargögn og verkfæri sem nýtt eru við áhættumat starfa og vinnustaða
  • tryggja að reglum um áhættumat, öryggi og vinnuvernd sé fylgt


Nemandi skal geta hagnýtt þá þekkingu og leikni sem hann hefur aflað sér til að:

  • hagnýta þekkingu sína um helstu áhættuþætti sem fylgja störfum og vinnustöðum í rafiðnaði
  • tjá sig um og leiðbeina öðrum um áhættuþætti starfa og vinnustaði í rafiðnaði þannig að þeir skili jákvæðum breytingum, þekkingu og aukinni vinnuvernd í störfum og á vinnustöðum
  • nýta sérhæfða þekkingu sína um helstu áhættuþætti í störfum og á vinnustöðum rafiðnaðarmanna
  • sýna frumkvæði og innsæi við mat á áhættu sem fylgir störfum rafiðnaðarmanna
  • vera meðvitaður um nauðsyn þess að störf og vinnustaðir séu áhættumetnir
  • geta nýtt sér þekkingu sína og leikni á gagnrýninn og uppbyggilegan hátt

 

Grunnþættir menntunar

Læsi, tjáning og samskipti um tölur og upplýsingar:

  • Þjálfa nemendur í að greina upplýsingar.
  • Þjálfa framsetningu og túlkun á tölulegum upplýsingum.


Námshæfni:

  • Nemendur þjálfist í skipulögðum vinnubrögðum og læri að setja sér markmið.
  • Nemendur læri að leita sér upplýsinga um þau málefni sem unnið er með.
  • Nemendur læri að tjá sig og rökstyðja skoðanir sínar t.d. með kynningum á verkefnum.
  • Styrkleikar hvers nemanda fái að njóta sín t.d. í hópavinnu.
  • Nemendur læri að bera ábyrgð á námi sínu og skipuleggja sig. Þeir geti valið sér verkefni og skipulagt í samráði við kennara.


Skapandi hugsun og hagnýting þekkingar:

  • Með mikilli og fjölbreyttri verkefnavinnu þurfa nemendur að vera skapandi og koma með nýjar og ferskar hugmyndir.
  • Nemendur tileinki sér að vinna bæði í hópi og sjálfstætt að verkefnum þar sem unnið er að stofnun eigin fyrirtækis.
  • Verkefni skulu skarast þvert á áfanga og tengja þannig saman í lokaafurð þekkingu frá mörgum fögum.


Jafnrétti:

  • Framfylgja skal jafnréttisstefnu og jafnréttisáætlun skólans.
  • Beita skal fjölbreyttu námsmati og kennsluaðferðum.
  • Allir skulu eiga jafna möguleika á að rækta hæfileika sína á jafnréttisgrundvelli.


Menntun til sjálfbærni:

  • Nemendur skilji mikilvægi þess að skapa samábyrgt samfélag.
  • Nemendur geti tekist á um álitamál og ástundi lýðræðisleg vinnubrögð.
  • Nemendum þekki og virði umhverfi sitt og auðlindir þess.
  • Framfylgt skal umhverfisstefnu skólans.

 

Læsi, tjáning og samskipti á erlendum tungumálum:

  • Nemendur eru hvattir til að afla sér upplýsinga á erlendum vefsíðum í fræðibókum og fleiru.
  • Nemendur kynni sér hvernig leiðbeina má og kynna verklag og reglur fyrir erlendum starfsmönnum í íslenskum iðnfyrirtækjum.

 

Heilbrigði:

  • Nemendur tileinki sér rétta líkamsbeitingu miðað við aðstæður.
  • Nemendur skulu hvattir til að standa upp frá vinnu sinni og skipta um stöðu og umhverfi.

 

Læsi, tjáning og samskipti á íslensku:

  • Nemendur kynna verkefni sín fyrir samnemendum og kennurum.
  • Nemendur skili ritgerðarvinnu og verkefnum.
  • Nemendur efli með sér skilning á mikilvægi góðrar málvitundar í tengslum við textavinnslu og fleira.
  • Nemendur taki þátt í hópavinnu þar sem reynir á samskipti og tjáningu.

 

Lýðræði og mannréttindi:

  • Áhersla er lögð á að allir nemendur fái að tjá sig og segja sína skoðun.
  • Í hópverkefnum reynir mikið á samvinnu og nemendur læra að taka tillit til mismunandi skoðana.
  • Nemendur læri að bera virðingu fyrir eigin störfum og annarra.