ENSK3AO05 - Enska - Akademískur orðaforði

Undanfari : ENSK2GA05
Í boði : Alltaf

Lýsing

Áhersla er áfram lögð á að efla nákvæman skilning. Nemendur vinna með og þjálfa akademískan orðaforða sem hjálpar þeim að skilja flókna og fjölbreytta texta. Nemendur vinna einnig með bókmenntaverk sem dýpka enn skilning þeirra á orðgnótt enskrar tungu og menningu enskumælandi þjóða. Ritun nemenda endurspeglar þessar áherslur og sýnir að þeir geti tjáð sig lipurlega á enskri tungu

Nemandi skal hafa öðlast þekkingu og skilning á:

  • menningu og þjóðfélagsmótun í enskumælandi löndum
  • orðaforða sem nauðsynlegur er til að standast hæfniviðmið þrepsins
  • notkun tungumálsins sem er nauðsynleg til að standast hæfniviðmið þrepsins
  • orðaforða sem gerir honum kleift að tileinka sér með góðu móti lesefni í áframhaldandi námi og starfi

Nemandi skal hafa öðlast leikni í að:

  • skilja vel sérhæfða texta á sviði sem hann þekkir
  • skilja almennt talað mál
  • lesa, sér til ánægju og upplýsingar, texta sem gera miklar kröfur til lesandans, ýmist hvað varðar orðaforða, uppbyggingu og myndmál
  • halda uppi samræðum
  • geta tjáð sig um almenn og persónuleg málefni
  • beita ritmálinu í mismunandi tilgangi

Nemandi skal geta hagnýtt þá þekkingu og leikni sem hann hefur aflað sér til að:

  • skilja sér til gagns þegar fjallað er um flókið efni og nýta sér fyrirlestra, umræður og rökræður um efni sem hann hefur áhuga á
  • geta lagt gagnrýnið mat á texta
  • hagnýta sér fræðitexta og meta heimildir á gagnrýnan hátt
  • beita málinu til að geta tekið fullan þátt í umræðum um ýmis mál
  • geta flutt vel uppbyggða frásögn, kynningu eða greinargerð og brugðist við fyrirspurnum
  • beita rithefðum sem við eiga í textasmíð
  • byrja að vinna úr heimildum og skrá á viðurkenndan hátt
  • skrifa gagnorðan, skilmerkilegan og vel uppbyggðan texta sem tekur mið af því hver lesandinn er
  • skrifa texta með röksemdafærslu
  • tjá tilfinningar og nota hugarflugið í rituðu máli


Grunnþættir menntunar

Í enskukennslu eru grunnþættir menntunar samofnir námsefni og kennsluháttum. Læsi, tjáning og samvinna eru þungamiðja námsins þar sem nemendur þjálfa sig í að lesa, skrifa, hlusta og tala á ensku í fjölbreyttu samhengi. Sköpun og gagnrýnin hugsun eru hlutaðeigandi þegar nemendur túlka texta, mynda sér skoðanir og tjá sig á persónulegan hátt. Lýðræðisleg gildi og virðing fyrir fjölbreytileika birtast í umræðum um menningu, samfélag og manngildi í enskumælandi heimi. Stafrænt læsi og miðlamennt eru æfð í gegnum fjölbreyttar verkefnategundir og notkun á fjölbreyttum textategundum.