STÆR3AF05 - Stærðfræði - Dýpkun og æfing

Undanfari : STÆR3DF05
Í boði : Alltaf

Lýsing

Í áfanganum er unnið með föll, eiginleika þeirra, andhverfu þeirra og hvort þau eru eintæk, átæk eða gagntæk. Hornaföll eru tekin sérstaklega og unnið dýpra með þau en áður. Unnið með umritun hornafallareglna og sannanir þeirra helstu. Unnið með flókin algebrubrot og jöfnur

Nemandi skal hafa öðlast þekkingu og skilning á:

  • föllum
  • diffrun
  • algebrubrotum

Nemandi skal hafa öðlast leikni í að:

  • vinna með föll
  • diffra föll og nota diffrun í hagnýtum tilgangi
  • einfalda flóknar algebrustæður
  • leysa flóknar jöfnur þar sem kunnátta í algebru er nauðsynleg
  • umrita helstu hornafallareglur og rökstutt þær

Nemandi skal geta hagnýtt þá almennu þekkingu og leikni sem hann hefur aflað sér til að:

  • orða kunnáttu sýna og útskýra niðurstöður útreikninga sinna í samræðum um efnið við kennara og bekkjarfélaga
  • skilja merkingu og tengsl hugtaka í námsefninu og geta unnið með þau
  • greina frá hvar og hvernig námsþættir eru nýttir í raunverulegum aðstæðum

Grunnfærni menntunar

Í stærðfræðikennslu fléttast grunnþættirnir saman á margvíslegan hátt:

  • Læsi er hornsteinn námsins. Nemendur þjálfast í að lesa úr tölulegum gögnum, túlka niðurstöður og miðla lausnum á skýran og skipulegan hátt, en þetta tölulæsi er grunnfærni sem allir þurfa í nútímasamfélagi.
  • Sköpun á sér stað þegar nemendur glíma við opin verkefni, þurfa að velja á milli aðferða og leita að eigin lausnarferlum. Þar er gert ráð fyrir að mistök séu hluti af námsferlinu og nemendur hvattir til þess að nota gagnrýna hugsun.
  • Sjálfbærni kemur fram þegar stærðfræðilegri hugsun er beitt á raunveruleg viðfangsefni sem gefur nemendum tækifæri til að skilja hvernig stærðfræðin tengist ábyrgð þeirra gagnvart samfélagi og umhverfi.
  • Jafnrétti endurspeglast í kennsluháttum sem tryggja að allir nemendur, óháð bakgrunni eða reynslu, fái tækifæri til að njóta styrkleika sinna og uppgötva eigin samband við námsgreinina.