STÆR1PA05 - Stærðfræði - Algebra og prósentur

Undanfari : Hæfnieinkunn D eða C úr grunnskóla
Í boði : Alltaf

Lýsing

Talnareikningur: Unnið með talnaskilning og undirstöðuatriði í almennum reikningi. Prósentureikningur: Unnið með hugtakið prósenta og léttur prósentureikningur æfður. Einföld algebra og léttar jöfnur: Unnið með stæður og jöfnur.

Nemandi skal hafa öðlast þekkingu og skilning á:

  • samlagningu, frádrætti, margföldun og deilingu heilla talna og almennra brota
  • talnakerfinu, notkun sviga og röð aðgerða
  • námundun
  • að prósenta er hluti af hundraði
  • einföldum prósentureikningi
  • undirstöðuatriðum í algebru og jöfnureikningi.

Nemandi skal hafa öðlast leikni í að:

  • reikna í huganum
  • reikna dæmi með svigum og nota reglur um röð aðgerða
  • beita helstu aðgerðum á heilar tölur og brot
  • finna hluta, heild og prósentu.
  • hækka og lækka tölu um ákveðna prósentu
  • einfalda léttar stæður og leysa léttar jöfnur
  • margfalda inn í sviga og taka út fyrir sviga
  • einangra bókstaf út úr þriggja bókstafa jöfnu

Nemandi skal hafa öðlast leikni í að:

  • skrá lausnir sínar skipulega
  • skiptast á skoðunum við aðra um þær og útskýra hugmyndir sínar og verk
  • átta sig á tengslum ólíkra aðferða við framsetningu stærðfræðilegra hugmynda og viðfangsefna
  • skilja merkingu og tengsl hugtaka í námsefninu til notkunar í áframhaldandi námi
  • takast á við stærðfræðileg verkefni í daglegu lífi með opnum og jákvæðum huga

Grunnfærni menntunar

Í stærðfræðikennslu fléttast grunnþættirnir saman á margvíslegan hátt:

  • Læsi er hornsteinn námsins. Nemendur þjálfast í að lesa úr tölulegum gögnum, túlka niðurstöður og miðla lausnum á skýran og skipulegan hátt, en þetta tölulæsi er grunnfærni sem allir þurfa í nútímasamfélagi.
  • Sköpun á sér stað þegar nemendur glíma við opin verkefni, þurfa að velja á milli aðferða og leita að eigin lausnarferlum. Þar er gert ráð fyrir að mistök séu hluti af námsferlinu og nemendur hvattir til þess að nota gagnrýna hugsun.
  • Sjálfbærni kemur fram þegar stærðfræðilegri hugsun er beitt á raunveruleg viðfangsefni sem gefur nemendum tækifæri til að skilja hvernig stærðfræðin tengist ábyrgð þeirra gagnvart samfélagi og umhverfi.
  • Jafnrétti endurspeglast í kennsluháttum sem tryggja að allir nemendur, óháð bakgrunni eða reynslu, fái tækifæri til að njóta styrkleika sinna og uppgötva eigin samband við námsgreinina.