RATM2GA05 - Rafeindatækni og mælingar 1

Lýsing

Áfanginn fjallar um hálfleiðara. Þá sérstaklega helstu gerðir af díóðum (tvistum), virkni þeirra og notkunarmöguleika. Farið er í hvernig nota má díóður í afriðun og kenndar nokkrar leiðir til að umbreyta AC í DC. Einnig er farið í grunnvirkni transistors og hvernig hann er forspenntur og farið í DC- reikninga transistors. Gert er ráð fyrir að nemendur læri einnig á helstu mælitæki svo sem fjölsviðsmæli og sveiflusjá auk þess að nota hermiforrit við mælingar á rásum.

Nemandi skal hafa öðlast þekkingu og skilning á:

• teiknitáknum díóða og Bjt transistora
• virkni díóða og Bjt transistora
• helstu gerum afriðla og virkni þeirra
• í hvað þessir íhlutir eru helst notaðir

Nemandi skal hafa öðlast leikni í að:

• reikna einfaldar rásir með díóðum og transistorum
• reikna út DC spennu á mismunandi afriðlum
• teikna einfaldar rafeindarásir
• notkun helstu mælitækja sem notuð eru í rafeindatækni
• nota hermiforrit til mælinga á rafeindarásum

Nemandi skal geta hagnýtt þá almennu þekkingu og leikni sem hann hefur aflað sér til að:

• hanna einfaldar rafeindarásir með díóðum og transistorum
• gera mælingar á þessum rásum og geta reiknað þær til samanburðar á mældum niðurstöðum
• geta skilað af sér skýrslu um mælingar á rásum
• geta framkvæmt mælingar til að ganga úr skugga um hvort íhlutir eru í lagi eða ekki

Grunnþættir menntunar

Í þessum áfanga er unnið markvisst að því að efla faglæsi nemenda á táknkerfi, teikningar og tæknilegar upplýsingar. Lögð er rík áhersla á sköpun og lausnamiðaða hugsun þar sem nemendur hagnýta þekkingu sína í raunhæfum verkefnum. Sjálfbærni og fagleg vinnubrögð eru fléttuð inn í námið með áherslu á skynsamlega nýtingu efnis og varanlegar lausnir. Öryggi er ætíð í forgrunni til að tryggja heilbrigði og velferð í vinnuumhverfinu. Lýðræði og mannréttindi birtast í því að ríkt samráð er haft við nemendur; þeim er tryggt rými til að veita ábendingar, eiga uppbyggilegt samtal við kennara um tímasetningar á verkefnum og prófum. Loks er jafnrétti lagt til grundvallar í öllu starfi, þar sem öllum eru tryggð jöfn tækifæri til að dafna og eflast sem fagaðilar í hvetjandi námsumhverfi.