MYNL3MÁ05 - Myndlist - Málverk

Undanfari : MYNL3ÞR05 og MYNL3TB05
Í boði : Alltaf

Lýsing

Nemandinn vinnur málverk með akríllitum. Hann leggur megináherslu á sköpunarferlið, frá eigin hugmynd að lokaniðurstöðu. Hann byggir upp rökrænt þróunarferli sem leið til markvissrar listrænnar niðurstöðu. Nemandinn vinnur rannsóknar- og tilraunavinnu þar sem engin leið er sjálfgefin. Myndefni er sótt í umhverfið og nemandinn vinnur á persónulegan hátt með sjónarhorn, myndmál, myndbygginu, form og lit. Nemandinn skoðar sköpunarferli nokkurra listamanna og kynnir sér málverk og önnur verk sem tengjast hugmyndum nemandans og áhugasviði og hann notar sem innblástur ásamt öðru. Nemandinn ígrundar og ræðir um verk sín og vinnuferli á öllum vinnslustigum í samvinnu við kennara og aðra nemendur.

Nemandi skal hafa öðlast þekkingu og skilning á:

  • þróunarferlinu frá hugmynd að málverki
  • mikilvægi rannsóknar- og tilraunavinnu í vinnuferlinu
  • mismunandi málunartækni
  • nokkrum listmálurum í sögu og nútíma eða öðrum listamönnum sem tengjast eigin hugmynd

Nemandi skal hafa öðlast leikni í að:

  • nota mismunandi leiðir til að túlka myndefni sitt
  • tengja formræna framsetningu við inntak verka sinna
  • vinna eftir rökrænu ferli þar sem eitt vinnslustig tekur við af öðru
  • sýna persónulega afstöðu í vali myndefnis og úrvinnslu
  • leita sér heimilda og skoða listamenn í tengslum við vinnu sína
  • meðhöndla efni og áhöld sem notuð eru við gerð málverka
  • vinna agað og sjálfstætt og sýna frumkvæði

Nemandi skal geta hagnýtt þá almennu þekkingu og leikni sem hann hefur aflað sér til að:

  • nýta umhverfi sitt í leit að hugmyndum og myndefni
  • þróa eigin hugmynd með rannsóknar- og tilraunavinnu í málverk
  • rökstyðja niðurstöður sínar með tilliti til faglegrar þekkingar
  • fjalla um ólíkar aðferðir við vinnslu málverka
  • nýta verk annarra listamanna sem innblástur fyrir eigin verk

Grunnþættir menntunar

Listgreinalæsi er hæfni til að skilja, skapa, meta og tjá sig í gengum listir eins og tónlist, myndlist, leiklist og dans. Það felur í sér að túlka listir og nota skapandi tjáningu.

Sjálfbærni í listgreinum felst í að skapa og vinna með efni og hugmyndir á ábyrgan hátt með tilliti til umhverfis, samfélags og menningar.

Heilbrigði og velferð í listgreinum felst í að efla líðan, sjálfstraust og tjáningu með skapandi vinnu og þátttöku í listum.

Lýðræði og mannréttindi í listgreinum felast í að allir fái að tjá skoðanir sínar, virða aðrar og taka þátt í skapandi starfi á jafnréttisgrundvelli.

Jafnrétti í listgreinum felst í að allir hafi sömu tækifæri til þátttöku, tjáningar og sköpunar óháð kyni, uppruna eða getu.

Sköpun í listgreinum felst í að sýna frumkvæði, nota hugmyndaflug, skapa nýjar hugmyndir og tjá sig á persónulegan og skapandi hátt.