MYNL2AT05 - Myndlist - Grunnáfangi í myndlist, teikning og vinnubók

Undanfari : MYNL2FF05 og MYNL2MA05
Í boði : Alltaf

Lýsing

  • Jafnlínuteikning. Frumformin teiknuð í þrívídd og skyggð. Síðan eru teiknuð fleiri form í þrívídd, tekið út úr og bætt við og skyggt
  • Fríhendisteikning. Hlutateikning eftir fyrirmyndum
  • Fjarvídd. Undirstöðuatriði fjarvíddar; Gerðar eru æfingar og tveggja- og þriggja hvarfpunkta myndir teiknaðar
  • Modelteikning. Æfingar og þjálfun í að teikna mannslíkamann í réttum hlutföllum
  • Teikniæfingar hvers kyns
  • Skissubókarvinna. Nemendur fá ákveðin heimaverkefni og rannsóknarverkefni sem þeir eiga að leysa í skissubók og vinna líka frjálsa myndsköpun


Nemandi skal hafa öðlast þekkingu og skilning á:

  • að skoða hluti og umhverfi í þrívídd og fjarvídd
  • að kynna sér listir og menningu í nútímanum og í mannkynssögunni
  • hvernig hægt er að yfirfæra þekkingu sína og leikni

Nemandi skal hafa öðlast leikni í að:

  • teikna form og hluti í þrívídd
  • að beita blýanti til að ná fram fjölbreytileik í línu og skyggingu
  • að beita aðferðum jafnlínuteikningar
  • að horfa og teikna
  • vinna sjálfstætt í rannsóknarvinnu tengdri myndlist
  • að teikna mannslíkamann í réttum hlutföllum

Nemandi skal geta hagnýtt þá almennu þekkingu og leikni sem hann hefur aflað sér til að:

  • tjá sig á myndrænan hátt
  • efla athygli og gagnrýna hugsun
  • efla frumkvæði og sköpun
  • njóta listar og menningar

Grunnþættir menntunar

Listgreinalæsi er hæfni til að skilja, skapa, meta og tjá sig í gengum listir eins og tónlist, myndlist, leiklist og dans. Það felur í sér að túlka listir og nota skapandi tjáningu.

Sjálfbærni í listgreinum felst í að skapa og vinna með efni og hugmyndir á ábyrgan hátt með tilliti til umhverfis, samfélags og menningar.

Heilbrigði og velferð í listgreinum felst í að efla líðan, sjálfstraust og tjáningu með skapandi vinnu og þátttöku í listum.

Lýðræði og mannréttindi í listgreinum felast í að allir fái að tjá skoðanir sínar, virða aðrar og taka þátt í skapandi starfi á jafnréttisgrundvelli.

Jafnrétti í listgreinum felst í að allir hafi sömu tækifæri til þátttöku, tjáningar og sköpunar óháð kyni, uppruna eða getu.

Sköpun í listgreinum felst í að sýna frumkvæði, nota hugmyndaflug, skapa nýjar hugmyndir og tjá sig á persónulegan og skapandi hátt.