FATA3FF05 - Fatahönnun - Saumtækni og sniðagerð

Undanfari : FATA2SH05 og/eða FATA2FF05
Í boði : Alltaf

Lýsing

Síðasti fatasaumsáfangi fyrir lokaverkefni. Í þessum áfanga vinna nemendur sjálfstætt og þurfa öguð vinnubrögð og skipulag. Kennari skipuleggur ekki tíma nemenda heldur setur nemandinn upp skipulagið til samþykktar. Þekking dýpkuð í sniðum og saum sem er fylgt eftir í heimaæfingum og heimaprófum. Í saumtækni verða kenndar aðferðir í fínni saum t.d. paspóleruð hnappagöt, lokuföll, fóðraðar klaufir, falin hnepping o.fl. Nemendur læra aðferðina í kennslustund og þarf að endurtaka heima til að efla sjálfstæð vinnubrögð sem eru grundvöllur fyrir lokaáfangann.

Nemandi skal hafa öðlast þekkingu og skilning á:

  • fínni saumtækni
  • sniðagerð með fínni smáatriðum
  • gerð framkvæmdaáætlunar
  • raða verkefninu upp í rétta röð

Nemandi skal hafa öðlast leikni í að:

  • vinna eftir framkvæmdaáætlun
  • vinna sjálfstætt
  • skipuleggja vinnu og tíma

Nemandi skal geta hagnýtt þá þekkingu og leikni sem hann hefur aflað sér til að:

  • vinna að flík sem er flókin
  • geta útskýrt val á aðferðum í sniðtækni
  • geta saman framkvæmdaáætlun
  • bera ábyrgð á verkefni
  • geta unnið undir álagi og tímapressu

Grunnþættir menntunar

Læsi í fatahönnun felur í sér að nemendur læra að lesa í form, liti, snið og tísku ásamt því að tjá hugmyndir sínar á skapandi hátt með skissum, sniðagerð og saumaskap. Þeir efla sjónrænt læsi, sköpunargáfu og hæfni til að þróa og miðla eigin hönnun.

Sjálfbærni í fatahönnun felur í sér ábyrga nýtingu efna, endurvinnslu og minni sóun. Nemendur læra um áhrif tísku á umhverfi og samfélag og þjálfast í að taka meðvitaðar og skapandi ákvarðanir í hönnunarferlinu.

Heilbrigði og velferð í fatahönnun felur í sér jákvætt og skapandi vinnuumhverfi þar sem áhersla er lögð á öryggi, vellíðan, góða líkamsbeitingu og sjálfstraust nemenda.

Lýðræði og mannréttindi í fatahönnun felast í því að nemendur læra að virða ólíkar hugmyndir, vinna saman og taka ábyrgð á eigin námi og sköpun. Áhersla er lögð á jafnræði, virðingu og að allir fái tækifæri til að tjá sig og þróa eigin stíl og hugmyndir.

Jafnrétti í fatahönnun snýst um að allir nemendur hafi sömu tækifæri til að nýta hæfileika sína og tjá sig á sinn hátt. Lögð er áhersla á virðingu fyrir fjölbreytileika og jafnræði í bæði námi og skapandi vinnu, óháð kyni, uppruna eða getu.

Sköpun í fatahönnun felur í sér að nemendur þróa hugmyndir og lausnir með gagnrýninni hugsun, frumleika og tilraunum.