VFOR3BE05 - Vefforforritun - Vefforritun 3

Lýsing

Haldið verður áfram að vinna í forritunarmálinu Javascript til að búa til gagnvirkar vefsíður. Farið verður dýpra í forritunarmálið og nemendur fá að kynnast Javascript ramma (e. framework) til að hanna vefsíður. Unnar verða vefsíður með notkun ramma þar sem vefsíður eru skiptar niður í minni hluta (e. component). Nemendur munu nota forritasafn til að ná í gögn af netinu og birta það á vefsíðunni hjá sér.

Nemandi skal hafa öðlast þekkingu og skilning á:

• grunnatriðum í Javascript
• grunnatriði i ramma (e. framework) í Javascript
• notkun minni hluta (e. component) á vefsíðum

Nemandi skal hafa öðlast leikni í að:

• forrita flóknari hluti í Javascript
• forrita vefsíðu með ramma (e. framework)
• hanna vefsíðu í minni hlutum (e. components)

Nemandi skal geta hagnýtt þá þekkingu og leikni sem hann hefur aflað sér til að:

• búið til vefsíðu sem er gagnvirk
• búið til vefsíðu sem birtir gögn af netinu
• búið til vefsíðu sem nær í og uppfærir gögn

Grunnþættir menntunar

Í vefforritun er unnið með læsi með áherslu á stafrænt læsi og hæfni nemenda til að lesa, skilja og skrifa kóða fyrir vefinn. Nemendur þjálfast í að vinna með tæknilegar upplýsingar, leiðbeiningar, villuboð og gögn við þróun veflausna. Sjálfbærni tengist ábyrgri og skilvirkri notkun tækni til að þróa stafrænar lausnir sem geta einfaldað ferla, bætt aðgengi að upplýsingum og nýst samfélaginu.

Í tengslum við lýðræði og mannréttindi er lögð áhersla á ábyrgð, samvinnu, virðingu fyrir hugverkum og að veflausnir taki mið af ólíkum þörfum notenda. Jafnrétti birtist í því að nemendur læra að hanna aðgengilegar og notendavænar lausnir fyrir fjölbreyttan hóp notenda. Sköpun birtist í hönnun og þróun eigin veflausna þar sem nemendur prófa útfærslur, leysa vandamál og endurbæta verkefni sín.