VÉLS3VB05(CV) - Vélstjórn 3 - Teikningar og kerfi

Lýsing

Nemendur læra hvernig nota má teikningar og leiðbeiningabæklinga til að öðlast þekkingu á uppbyggingu einstakra vélarhluta og kerfa. Þeir kynnast eldsneytisolíum og kerfum, smurolíum og smurolíukerfum, krosshausvélum og langbulluvélum með tilliti til brennslu svartolíu, notkun á mismunandi smurolíum. Nýtingu glataðs varma frá vélum með varmaskiptum og afgaskötlum. Þeir öðlast þekkingu á tæringarvörnum ferskvatns- og sjókerfa um borð í skipum ásamt því að þekkja helstu gerðir skilvindna og kunna skil á skilvindukerfum, austur- og kjölfestukerfum og þeim reglum sem um þær gilda (MARPOL).

Nemandi skal hafa öðlast þekkingu og skilning á:

• nútímaeldsneytiskerfi sem hönnuð eru fyrir gasolíu- og svartolíu-meðhöndlun og geti útskýrt tilgang hvers einstaks þáttar í kerfunum með aðstoð teikninga
• helstu eiginleiku eldsneytisolíu af mismunandi flokkum ásamt grundvallaratriðum um skiljun
• nútíma smurolíukerfi og geti útskýrt tilgang hvers einstaks þáttar í kerfinu með aðstoð teikninga
• helstu eiginleikum smurolíu af mismunandi flokkum og meðferð hennar við daglegan rekstur véla
• nútíma kælivatns- og sjókælikerfi og geti útskýrt tilgang hvers einstaks þáttar í kerfunum með aðstoð teikninga
• helstu eiginleikum fersk- og saltvatns til kælingar og meðhöndlun þess við daglegan rekstur véla
• helstu orsökum og skilyrðum tæringar í skipum og vélakerfum ásamt þeim aðgerðum sem beitt er til varnar tæringu
• gerð og uppbyggingu krosshausvéla
  
  

Nemandi skal hafa öðlast leikni í að:

• nota teikningar og leiðbeiningabæklinga til að átta sig á uppbyggingu vélahluta og búnaðar og hvernig þeir vinna
• rekja og átta sig á samhengi kerfa í vélarúmi

Nemandi skal geta hagnýtt þá þekkingu og leikni sem hann hefur aflað sér til að:

• annast rekstur skilvindukerfa í eldsneytis- og smurolíkerfum
• annast rekstur aðal- og ljósavéla í minni skipum og sinna öllu fyrirbyggjandi viðhaldi á þeim
• mæla og meta ástand kælivatns m.t.t tæringar