UPPE2AU05 - Uppeldisfræði - Almenn uppeldisfræði

Undanfari : Enginn
Í boði : Alltaf

Lýsing

Uppeldis- og menntunarfræði sem fræðigrein. Fjallað verður um grundvallarhugtök í uppeldisfræði, fjallað um uppeldi í sögulegu samhengi og nemendur kynnast lauslega hugmyndafræði nokkurra uppeldisfræðinga sem hafa haft áhrif á uppeldis- og skólastarf í Evrópu. Nemendur kynna sér ákveðin atriði úr þroskaferli barna og læra um samskipti, vitsmuna- og siðferðisþroska, þróun sjálfsins, listsköpun barna,áhrif fjölmiðla, leiki o.fl. Nemendur kynni sér störf leikskólakennara og heimsæki leikskóla og vinni verkefni sem gerð eru í samstarfi við leikskólastjóra svæðisins. Nemandi fær þjálfun í sjálfstæðum vinnubrögðum við að skipuleggja verkefnavinnu, leita upplýsinga í gögnum og kynna eigin niðurstöður.

Nemandi skal hafa öðlast þekkingu og skilning á:

  • mótunaraðilum uppeldis og menntunar og áhrifum samfélags og ýmissa menningarþátta á börn og unglinga
  • mismunandi kenningum um uppeldi og menntun
  • aðalatriðum í sögu uppeldis og menntunar á Íslandi
  • störfum og markmiðum leikskóla
  • samskiptaaðferðum og leiðum til að leysa ágreining í uppeldi
  • mikilvægi þeirra sem starfa með börnum og unglingum
  • sorg barna og birtingarmyndir hennar og hvernig best er að aðstoða börn við áföll.
  • uppeldislegu gildi íþrótta og tómstundastarfs og framboð í eigin samfélagi
  • ýmsum atriðum í þroskaferli barna

Nemandi skal hafa öðlast leikni í að:

  • beita aðferðum við lausn ágreinings
  • beita mismunandi aðferðum við að koma þekkingu sinni á framfæri
  • vinna sjálfstætt og með öðrum
  • bera saman hugmyndir ýmissa uppeldisfræðinga sem hafa haft áhrif á skólastarf í Evrópu
  • greina ýmsa þætti í þroskaferli barna

Nemandi skal geta hagnýtt þá almennu þekkingu og leikni sem hann hefur aflað sér til að:

  • vinna við störf og verkefni sem tengjast börnum
  • greina uppeldisleg álitamál og draga rökstuddar ályktanir þar um
  • bregðast rétt við áföllum barna
  • taka sjálfstæða afstöðu ti mála er varða uppeldi og menntun
  • miðla þekkingu sinni á margvíslegan hátt
  • taka á ábyrgan hátt þátt í umræðu og verkefnum sem tengjast uppeldi
  • meta gildi leikskólastarfsemi

Grunnþættir menntunar

Læsi: Í uppeldisfræðiáföngum er unnið með læsi þar sem nemendur lesa, greina og túlka texta um uppeldi, þroska, samskipti og menntun. Þeir þjálfast í að nota hugtök greinarinnar og miðla þekkingu sinni skipulega.
Sjálfbærni: Í uppeldisfræðiáföngum tengist sjálfbærni við ábyrgð, uppeldi og samfélagslega þátttöku. Nemendur skoða til dæmis hvernig gildi, samskipti og uppeldisaðferðir geta haft áhrif á börn, fjölskyldur og samfélag til framtíðar.
Heilbrigði og velferð: Í uppeldisfræðiáföngum er eftir því sem við á fjallað um þætti sem hafa áhrif á líðan, þroska, öryggi, sjálfsmynd og félagsleg tengsl barna og ungmenna. Áhersla er á hvernig styðja má við velferð þeirra.
Lýðræði og mannréttindi: Í uppeldisfræðiáföngum er unnið með lýðræði og mannréttindi í tengslum við réttindi barna, virðingu, ábyrgð, þátttöku og tjáningu. Nemendur skoða mikilvægi þess að börn alist upp í umhverfi sem byggir á jafnræði.
.Jafnrétti: Í uppeldisfræðiáföngum er fjallað um jafnrétti með því að skoða hvernig uppeldi, menning, kynhlutverk og félagslegar aðstæður geta mótað tækifæri og sjálfsmynd barna. 
Sköpun: Í uppeldisfræðiáföngum fá nemendur tækifæri til að vinna skapandi með viðfangsefni áfangans. Þeir geta til dæmis tengt fræðilega þekkingu við raunverulegar uppeldisaðstæður, unnið verkefni, sett fram lausnir og miðlað hugmyndum sínum fjölbreytt.