TEXT2HÝ05 - Textílhönnun - Hýbýlahönnun

Undanfari : FATA1SH05
Í boði : Alltaf

Lýsing

Í áfanganum er unnið að textílverkefnum í híbýlum, nemendur vinna allan mögulegan textíl t.d púða, dúka, rúmteppi, gluggatjöld, listmuni og fl. Nemendur þjálfaðir í að virkja sköpunarkraftinn í hugmyndir sínar. Mismunandi stílar skoðaðir og einnig hönnuðir. Farið er yfir rými og notkun þess og nemendur vinna rýmisteikingar og líkön. Vettvangsferðir og verkefni nemenda verða til sýnis

Nemandi skal hafa öðlast þekkingu og skilning á:

  • á mismunandi stílum í innanhúshönnun
  • á rými og rýmisteikningu
  • hugmyndaöflun og uppsetningu
  • mismunandi tækni í samsetningu verkefna
  • hvaða hráefni má setja saman
  • framsetningu og frágang

Nemandi skal hafa öðlast leikni í að:

  • skrá hugmyndir
  • skilja rými og rýmisteikningu
  • skilja ferlið frá hugmynd að fullunnu verki
  • hugleiða útlit, notagildi út frá fagur- og formfræðilegum forsendum
  • þekkja liti og gildi þerra í umhverfi okkar
  • skapa og setja saman eftir mismunandi textílaðferðum

Nemandi skal geta hagnýtt þá almennu þekkingu og leikni sem hann hefur aflað sér til að:

  • vinna með hugmyndir sínar þannig að hægt sé að útfæra þær út frá lita- og formfræði
  • nota efni og form í eigin listsköpun
  • skynja liti og samsetningu þeirra í umhverfinu og í listsköpun
  • geta gert auðvelda rýmisteikningu og líkön
  • kunna ýmsar saumtækniaðferðir við verkefnin sín