SPÆN2RÞ05 - Spænska 4

Nemandi skal hafa öðlast þekkingu og skilning á:

• ýmsum sérhæfðum þáttum í menningu og þjóðfélagi spænskumælandi málsvæða
• sérhæfðari þáttum spænsks málkerfis
• þeim orðaforða sem nauðsynlegur er til að skilja efni áfangans
• notkun spænsku til að mæta hæfniviðmiðum áfangans bæði munnlega og skriflega

Nemandi skal hafa öðlast leikni í að:

• skilja nokkuð vel þegar rætt er um málefni daglegs lífs eða málefni sem hann þekkir til
• greina aðalatriði í frásögn, þ.m.t. í fjölmiðlum og á netinu, sem fjalla um afmörkuð málefni
• skilja sértæk orð og orðasambönd sem eru einkennandi fyrir talmál
• skilja og túlka einfalda eða einfaldaða bókmenntatexta
• skilja stuttar greinar, t.d. í tímaritum, dagblöðum og á netinu, um ýmis efni með hjálp orðabóka og uppsláttarrita
• skima og skilja aðalatriði í nokkuð þungum textum sem tengjast þemum áfangans
• taka þátt í samræðum um afmörkuð, undirbúin efni og beita málfari við hæfi hverju sinni
• halda stutta og hnitmiðaða kynningu um efni sem hann hefur undirbúið fyrirfram
• skrifa texta af fjölbreyttu tagi sem tengjast viðfangsefnum áfangans
• skrifa útdrátt eða eigin hugleiðingu út frá frásögn í m.a. greinum og bókmenntatextum

Nemandi skal geta hagnýtt þá almennu þekkingu og leikni sem hann hefur aflað sér til að:

• skilja aðalatriði í daglegu máli, svo sem samræður og fjölmiðlaefni
• tileinka sér efni ritaðra texta af ýmsu tagi og hagnýta á mismunandi hátt
• lesa og túlka skáldskap af hæfilegu þyngdarstigi og tjá sig munnlega og skriflega um efni hans
• ræða við aðra af nokkru öryggi um efni sem hann þekkir vel til
• taka þátt í einföldum skoðanaskiptum og færa rök fyrir máli sínu
• skrifa læsilegan texta um sérvalið efni
• nýta á markvissan hátt upplýsingatækni og ýmis hjálpargögn við textasmíði

Grunnþættir menntunar

Læsi: Nemendur þjálfast í að skilja texta og myndmál í spænskumælandi efni. Nemendur fá innsýn í hvernig spænska sem tungumál mótar menningarskilning spænskumælandi samfélaga. Nemendur fá skilning á mismunandi beitingu tungumálsins í ólíkum menningarheimum spænskumælandi landa.

Sjálfbærni: Nemendur kynnast leiðum sem eru notaðar í spænskumælandi löndum til að takast á við vandamál hvað varðar sjálfbærni. Nemendur kynnast nýjum áskorunum hvað varðar sjálfbærni í tengslamyndun milli kynslóða í ýmsum spænskumælandi löndum nútímans.

Jafnrétti: Skoðuð er staða jafnréttis í spænskumælandi löndum, svo sem hvað varðar kynþætti, menningu og tungumál, sbr. menningu og bakgrunn frumbyggja í Suður-Ameríku.

Lýðræði og mannréttindi: Nemendur kynnast sögu nokkurra spænskumælandi landa og þróun þeirra hvað varðar lýðræði og mannréttindi.

Sköpun: Nemendur takast á við menningarheima spænskumælandi landa á fjölbreyttan hátt, svo sem í gegnum tónlist, myndbönd og texta.