SÁLF3ÞS05 - Sálfræði - Þroskasálfræði

Undanfari : SÁLF2HS05
Í boði : Alltaf

Lýsing

Þá er helst lögð áhersla á líkamsþroska, vitsmunaþroska, og félags-og tilfinningaþroska og efnið tengt lífi nemenda og samfélagi. Nemendur skulu fá þjálfun í aðferðum við rannsóknir, skrifum rannsóknarskýrslna og almennri heimildavinnu bæði á íslensku og ensku. Viðfangefni er þroski frá getnaði til unglingsára. Einnig má fara í þroskaviðfangsefni frá unglingsárum til öldrunar og taka fyrir álitamál eftir áhuga nemenda

Nemandi skal hafa öðlast þekkingu og skilning á:

  • helstu þroskasviðum mannsins s.s. líkamsþroska, vitsmunaþroska, félags- og tilfinningaþroska
  • kenningum er varða þroska ásamt hugtökum sem þeim tengjast
  • viðfangsefnum, rannsóknaraðferðum og helstu álitamálum þroskasálfræðinnar í samfélaginu
  • áhrifum mismunandi umhverfisáhrifa á þroska barna

Nemandi skal hafa öðlast leikni í að:

  • lesa sálfræðitexta bæði á íslensku og ensku
  • bera saman kenningar
  • beita helstu hugtökum þroskasálfræðinnar í ræðu og riti og tengja þekkingu sína við samfélagið

Nemandi skal geta hagnýtt þá almennu þekkingu og leikni sem hann hefur aflað sér til að:

  • tjá sig skipulega í ræðu og riti og taka þátt í umræðum um þroskasálfræði
  • geta nýtt sér bæði íslenskar og erlendar heimildir og notað þær á réttan hátt
  • ástunda viðurkennd vinnubrögð og taka ábyrgð á vinnu sinni
  • meta rannsóknarniðurstöður og trúverðugleika heimilda

Grunnþættir menntunar

Læsi: Í sálfræðiáföngum er unnið með læsi þannig að nemendur lesa, greina og túlka texta, hugtök, rannsóknir og gögn í tengslum við viðfangsefni áfangans. Þeir þjálfast í gagnrýnni hugsun og að miðla þekkingu á skýran hátt.
Sjálfbærni: Í sálfræðiáföngum tengist sjálfbærni ábyrgð einstaklingsins gagnvart sjálfum sér, öðrum og samfélaginu. Nemendur skoða til dæmis hvernig viðhorf, gildi, hegðun og ákvarðanataka geta haft áhrif á einstaklinga og samfélag.
Heilbrigði og velferð: Í sálfræðiáföngum er eftir því sem við á fjallað um þætti sem tengjast andlegri, félagslegri og líkamlegri velferð. Þar má til dæmis skoða sjálfsmynd, tilfinningar, streitu, þroska, samskipti, hegðun og líðan.
Lýðræði og mannréttindi: Í sálfræðiáföngum er unnið með lýðræði og mannréttindi í gegnum umræður um mannlega hegðun, samskipti og ólík sjónarmið. Nemendur þjálfast í að hlusta, taka þátt í umræðum, rökstyðja skoðanir og bera virðingu fyrir öðrum.
.Jafnrétti: Í sálfræðiáföngum er fjallað um jafnrétti með því að skoða hvernig einstaklingar mótast af umhverfi sínu og samfélagslegum aðstæðum. Þar er til dæmis skoðað áhrif kyns, menningar, félagslegrar stöðu og annarra þátta á líðan og tækifæri.
Sköpun: Í sálfræðiáföngum fá nemendur tækifæri til að vinna skapandi með viðfangsefni áfangans, eftir því sem við á. Nemendur tengja fræðileg hugtök við raunveruleg dæmi, settar fram spurningar, unnin verkefni og miðlað niðurstöðum á fjölbreyttan hátt.