SÁLF3LÍ05 - Sálfræði - Lífeðlisleg sálfræði

Undanfari : SÁLF2HS05 eða 20 ein. á 2. eða 3. þrepi
Í boði : Alltaf

Lýsing

Áfanginn er kynning á lífeðlislegri sálfræði. Fengist er við tengsl lífeðlifræðilegra og sálfræðilegra þátta. Fjallað er um taugakerfið: Netkerfi, taugasálfræðilega virkni, heilastöðvar, úttaugakerfi og byggingu og starfsemi taugafrumunnar og taugaboðefni. Einnig kynnast nemendur þeim hlutum hormónakerfisins sem þykja sálfræðilega áhugaverðastir. Samspil erfða og umhverfis er skoðað. Nemendur kynnist rannsóknaraðferðum í lífeðlislegri sálfræði og vinnubrögðum við gerð rannsóknarskýrslna.

Nemandi skal hafa öðlast þekkingu og skilning á:

  • staðakenninguna og netkerfisnálgunina í lífeðlislegri sálfræði
  • helstu heilastöðvar
  • byggingu og starfsemi taugafrumunnar
  • boðefni
  • hormónakerfi
  • rannsóknaraðferðir í lífeðlislegri sálfræði
  • þekki algeng ensk hugtök í lífeðlislegri sálfræði

Nemandi skal hafa öðlast leikni í að:

  • í lesa sálfræðitexta
  • ræða sálfræði
  • beita aðferðafræði sálfræðinnar
  • bera saman hugtök og kenningar
  • hanna rannsóknir
  • skrifa rannsóknarskýrslur
  • geti teiknað einfaldar skýringarmyndir

Nemandi skal geta hagnýtt þá almennu þekkingu og leikni sem hann hefur aflað sér til að:

  • til að setja sálfræði í samhengi við einkalíf samfélag og fræðilegt starf
  • tjá sig skipulega í ræðu og riti og tekið þátt í umræðum um lífeðlislega sálfræði
  • geta stundað háskólanám sérstaklega í sálfræði, félagsvísindum, lífeðlisfræði og læknisfræði

Grunnþættir menntunar

Læsi: Í sálfræðiáföngum er unnið með læsi þannig að nemendur lesa, greina og túlka texta, hugtök, rannsóknir og gögn í tengslum við viðfangsefni áfangans. Þeir þjálfast í gagnrýnni hugsun og að miðla þekkingu á skýran hátt.
Sjálfbærni: Í sálfræðiáföngum tengist sjálfbærni ábyrgð einstaklingsins gagnvart sjálfum sér, öðrum og samfélaginu. Nemendur skoða til dæmis hvernig viðhorf, gildi, hegðun og ákvarðanataka geta haft áhrif á einstaklinga og samfélag.
Heilbrigði og velferð: Í sálfræðiáföngum er eftir því sem við á fjallað um þætti sem tengjast andlegri, félagslegri og líkamlegri velferð. Þar má til dæmis skoða sjálfsmynd, tilfinningar, streitu, þroska, samskipti, hegðun og líðan.
Lýðræði og mannréttindi: Í sálfræðiáföngum er unnið með lýðræði og mannréttindi í gegnum umræður um mannlega hegðun, samskipti og ólík sjónarmið. Nemendur þjálfast í að hlusta, taka þátt í umræðum, rökstyðja skoðanir og bera virðingu fyrir öðrum.
.Jafnrétti: Í sálfræðiáföngum er fjallað um jafnrétti með því að skoða hvernig einstaklingar mótast af umhverfi sínu og samfélagslegum aðstæðum. Þar er til dæmis skoðað áhrif kyns, menningar, félagslegrar stöðu og annarra þátta á líðan og tækifæri.
Sköpun: Í sálfræðiáföngum fá nemendur tækifæri til að vinna skapandi með viðfangsefni áfangans, eftir því sem við á. Nemendur tengja fræðileg hugtök við raunveruleg dæmi, settar fram spurningar, unnin verkefni og miðlað niðurstöðum á fjölbreyttan hátt.