HAGF3RF05 - Hagfræði - Rekstrarhagfræði 2

Lýsing

Línurit, efnahagshringrás, kostnaðar- og tekjuhugtök, framlegðarútreikningar, hagkvæmasta framleiðslusamsetning, ábati neytenda, framleiðenda og samfélagsins, framboð, framleiðslufall, jafnmagns- og jafngjaldalínur, lögmálið um minnkandi afrakstur, meðalframleiðsla, jaðarframleiðsla, eftirspurn, tekjufall, notagildi, teygni, staðkvæmdaráhrif, hámörkun hagnaðar, hagkvæmasta val fyrirtækis (magn, verð) og rekstrarjafnvægi. Fjallað er um mismunandi markaðsform og verðmyndum hjá fyrirtækjum eftir því hvaða markaðsform þau falla undir.

Nemandi skal hafa öðlast þekkingu og skilning á:

• áhrifum mismunandi breytinga í umhverfi einstaklinga og fyrirtækja á framboðs- og eftirspurnarferla
• jaðarnytjum, jaðarframleiðslu, jaðarkostnaði og jaðartekjum
• framleiðsluföllum, kostnaðarföllum, jafnmagnslínum og útgjaldalínum
• mismunandi markaðsformum

Nemandi skal hafa öðlast leikni í að:

• beita upplýsingatækni við úrlausn verkefna
• reikna út hagkvæmustu samsetningu framleiðsluþátta
• nota línurit og útreikninga við útskýringar á helstu efnisþáttum
• reikna hagkvæmasta magn og verð við mismunandi markaðsform

Nemandi skal geta hagnýtt þá almennu þekkingu og leikni sem hann hefur aflað sér til að:

• greina stöðu fyrirtækja, afkomu þeirra og hagkvæmasta framleiðslumagn miðað við mismunandi markaðsform
• gera rekstraráætlun
• bera saman áætlanir og rauntölur og túlka niðurstöður

Grunnþættir menntunar

Í þessum áfanga nýta nemendur sér læsi til að öðlast hæfni til að skynja og skilja umhverfi sitt og samfélag á gagnrýninn hátt og taka þátt í að móta það. Nemendur eru virkir þátttakendur í að skapa eigin merkingu og bregðast á persónulegan og skapandi hátt við því sem þeir lesa með hjálp þeirra miðla og tækni sem völ er á. Þeir nýta sér til gagns tölulegar upplýsingar og nota og miðlað upplýsingum á gagnrýninn og skapandi hátt. Í áfanganum birtist heilbrigði og velferð með því að kennari hugi eftir bestu getu að félagslegri vellíðan nemenda með því að tryggja góð samskipti og öryggi innan hópsins. Í áfanganum er lýðræði haft að leiðarljósi og borin er virðing fyrir manngildium hvers og eins og tekið er tillit til áhuga nemenda og ábyrgðar þeirra á eigin námi. Nemendur eru hvattir til að láta sínar skoðanir í ljós og tekur kennari tillit til og hlustar á. Unnið er að því að skapa tækifæri fyrir alla til að þroskast á eigin forsendum, rækta hæfileika sína og lifa ábyrgu lífi í frjálsu samfélagi í anda skilnings, friðar, umburðarlyndis, víðsýnis og jafnréttis. Sköpun er tekin fyrir en lögð eru fyrir verkefni sem byggja á gagnrýninni hugsun nemenda með aðferðum sem opna sífellt nýja möguleika, mótun viðhorfa, gildismats og hæfni. Nemendur hafa tækifæri til að hafa áhrif á skólastarfið s.s. með skipulag og námsmat.