FORR3RR05 - Forritun - Forritun 4

Lýsing

Farið er yfir stærðfræðilega hluta tölvunarfræðinnar. Nemendur munu læra um þekkt reiknirit og gagnagrindur og hvernig á að byggja þau upp. Einnig er farið yfir tímaflækjur til að greina hversu fljót reiknirit og forrit eru í keyrslu.

Nemandi skal hafa öðlast þekkingu og skilning á:

• reikniritum
• gagnagrindum
• helstu röðunar- og leitaraðferðum
• endurkvæmni

Nemandi skal hafa öðlast leikni í að:

• útfæra þekkt reiknirit
• útfæra endurkvæm föll
• setja upp gagnagrindur
• útfæra röðunar- og leitaraðferðir

Nemandi skal geta hagnýtt þá þekkingu og leikni sem hann hefur aflað sér til að:

• velja reiknirit til að leysa ákveðin vandamál
• leysa verkefni með endurkvæmum forritum
• búið til gagnagrindur sem henta ákveðnu vandamáli sem á að leysa

Grunnþættir menntunar

Í forritun er unnið með læsi með áherslu á stafrænt læsi, tæknilæsi og hæfni nemenda til að lesa, skilja og skrifa kóða. Nemendur þjálfast í að lesa verkefnalýsingar, villuboð og leiðbeiningar og nýta þær upplýsingar við lausn verkefna. Sjálfbærni tengist ábyrgri og markvissri notkun tækni til að leysa verkefni, einfalda ferla og skapa stafrænar lausnir sem geta haft áhrif á samfélag og framtíðarþróun.

Í tengslum við lýðræði og mannréttindi er lögð áhersla á samvinnu, ábyrgð, virðingu fyrir hugverkum og að lausnir taki mið af fjölbreyttum þörfum notenda. Jafnrétti birtist í því að allir nemendur fái tækifæri til að þróa hæfni sína óháð reynslu, bakgrunni eða fyrri þekkingu. Sköpun birtist í hönnun og þróun eigin forrita og lausna þar sem nemendur prófa hugmyndir, leysa vandamál og endurbæta afurðir sínar.