FORR3HF05 - Forritun - Forritun 3

Lýsing

Framhaldsáfangi í forritun þar sem nemendur læra grunnatriði hlutbundnar forritunar. Farið er yfir gerð klasa og meðhöndlun hluta, erfðir, fjölbreytni, hjúpun, hugræna klasa og skilum. Áhersla er lögð á sjálfstæð og öguð vinnubrögð við lausn verkefna.

Nemandi skal hafa öðlast þekkingu og skilning á:

• grunnatriðum hlutbundinnar forritunar
• hlutverki klasa og klasasafna
• tilviksbreytum, smiðum, hjúpun og aðferðum til að stilla og nálgast tilviksbreytu
• klasabreytum- og aðferðum
• hreiðruðum klösum
• erfðum, yfirtöku aðferða, fjölbreytni, huglægum klösum og skilum

Nemandi skal hafa öðlast leikni í að:

• búa til klasa 
• brjóta viðfangsefnið í smærri einingar með klösum
• nota klasa til að leysa verkefni
• nota fleiri en einn klasa við úrlausn verkefna

Nemandi skal geta hagnýtt þá þekkingu og leikni sem hann hefur aflað sér til að:

• leysa vandamál með því að nota hlutbundna forritun 
• forrita sína eigin klasa við lausn á verkefnum 
• skipuleggja forrit betur með hlutbundinni forritun 

Grunnþættir menntunar

Í forritun er unnið með læsi með áherslu á stafrænt læsi, tæknilæsi og hæfni nemenda til að lesa, skilja og skrifa kóða. Nemendur þjálfast í að lesa verkefnalýsingar, villuboð og leiðbeiningar og nýta þær upplýsingar við lausn verkefna. Sjálfbærni tengist ábyrgri og markvissri notkun tækni til að leysa verkefni, einfalda ferla og skapa stafrænar lausnir sem geta haft áhrif á samfélag og framtíðarþróun.

Í tengslum við lýðræði og mannréttindi er lögð áhersla á samvinnu, ábyrgð, virðingu fyrir hugverkum og að lausnir taki mið af fjölbreyttum þörfum notenda. Jafnrétti birtist í því að allir nemendur fái tækifæri til að þróa hæfni sína óháð reynslu, bakgrunni eða fyrri þekkingu. Sköpun birtist í hönnun og þróun eigin forrita og lausna þar sem nemendur prófa hugmyndir, leysa vandamál og endurbæta afurðir sínar.