FORR2PH05 - Forritun - Forritun 1

Lýsing

Nemendur kynnast forritun og grunnuppbyggingu forrita í gegnum forritunarmálið Python. Farið verður í breytur og tög, skilyrðissetningar, föll, gagnaskipan, lykkjur, inntak og úttak, kynningu á klösum og fleira.

Nemandi skal hafa öðlast þekkingu og skilning á:

• helstu aðgerðum í forritunarmálinu Python
• grunn aðgerðum í forritun
  • strengir
  • skilyrði
  • lykkjur
  • listar o.fl.
• notkun leitarvéla við upplýsingaleit

Nemandi skal hafa öðlast leikni í að:

• skrifa almenn forrit
• nota skilyrði, lykkjur og lista til að leysa einföld verkefni
• setja upp textaritla

Nemandi skal geta hagnýtt þá þekkingu og leikni sem hann hefur aflað sér til að:

• geta sett upp einföld forrit frá grunni
• nýta það sem textaritlar hafa upp á að bjóða til að einfalda forritun
• vinna sjálfstætt

Grunnþættir menntunar

Í forritun er unnið með læsi með áherslu á stafrænt læsi, tæknilæsi og hæfni nemenda til að lesa, skilja og skrifa kóða. Nemendur þjálfast í að lesa verkefnalýsingar, villuboð og leiðbeiningar og nýta þær upplýsingar við lausn verkefna. Sjálfbærni tengist ábyrgri og markvissri notkun tækni til að leysa verkefni, einfalda ferla og skapa stafrænar lausnir sem geta haft áhrif á samfélag og framtíðarþróun.

Í tengslum við lýðræði og mannréttindi er lögð áhersla á samvinnu, ábyrgð, virðingu fyrir hugverkum og að lausnir taki mið af fjölbreyttum þörfum notenda. Jafnrétti birtist í því að allir nemendur fái tækifæri til að þróa hæfni sína óháð reynslu, bakgrunni eða fyrri þekkingu. Sköpun birtist í hönnun og þróun eigin forrita og lausna þar sem nemendur prófa hugmyndir, leysa vandamál og endurbæta afurðir sínar.