ENSK3FS05 - Enska - Fjölbreyttur skilningur

Undanfari : ENSK3AO05
Í boði : Alltaf

Lýsing

Lögð er áhersla á að efla skilning. Nemendur vinna með og þjálfa krefjandi orðaforða sem hjálpar þeim að skilja flókna og fjölbreytta texta. Nemendur vinna einnig með bókmenntaverk og texta sem dýpka enn skilning þeirra á orðgnótt enskrar tungu og menningu enskumælandi þjóða. Ritun nemenda endurspeglar þessar áherslur og sýnir að þeir hafa náð valdi á grundvallarþáttum tungumálsins. Áhersla verði lögð á eftirfarandi atriði: Krefjandi orðaforða, skilning daglegs máls, lipurlega beitingu mismunandi málsniða, ritun rökfærsluritgerða, framsögn, gagnrýninn lestur, og heimildaskráningu.

Nemandi skal hafa öðlast þekkingu og skilning á:

  • menningu, viðhorfum og gildum í tilteknum enskumælandi löndum
  • orðaforða sem nauðsynlegur er til að standast hæfniviðmið þrepsins
  • notkun tungumálsins sem er nauðsynleg til að standast hæfniviðmið þrepsins
  • helstu hefðum um uppsetningu og skipulag ritaðs máls og notkun heimilda

Nemandi skal hafa öðlast leikni í að:

  • skilja fjölbreytt mál
  • lesa margs konar gerðir texta
  • beita málfari við hæfi í samskiptum og koma sínum skoðunum á framfæri á ensku
  • tjá sig um málefni bæði með óformlegum og formlegum hætti
  • skrifa margs konar texta, þar á meðal rökfærsluritgerð og heimildaritgerð

Nemandi skal geta hagnýtt þá þekkingu og leikni sem hann hefur aflað sér til að:

  • skilja fjölbreytt talað mál
  • tileinka og nýta sér efni ritaðs texta
  • lesa texta og geta tjáð sig munnlega eða skriflega um efni þeirra og færa rök fyrir sjónarmiðum sínum
  • tjá sig á skýran og áheyrilegan hátt
  • skrifa læsilegan texta um efni frá eigin brjósti sem og færa rök fyrir skoðunum sínum

Grunnþættir menntunar

Í enskukennslu eru grunnþættir menntunar samofnir námsefni og kennsluháttum. Læsi, tjáning og samvinna eru þungamiðja námsins þar sem nemendur þjálfa sig í að lesa, skrifa, hlusta og tala á ensku í fjölbreyttu samhengi. Sköpun og gagnrýnin hugsun eru hlutaðeigandi þegar nemendur túlka texta, mynda sér skoðanir og tjá sig á persónulegan hátt. Lýðræðisleg gildi og virðing fyrir fjölbreytileika birtast í umræðum um menningu, samfélag og manngildi í enskumælandi heimi. Stafrænt læsi og miðlamennt eru æfð í gegnum fjölbreyttar verkefnategundir og notkun á fjölbreyttum textategundum.