BYGG2ST05 - Byggingartækni - Steypumannvirki

Lýsing

Í áfanganum er fjallað um framkvæmdir steinsteyptra húsabygginga og mannvirkja. Byrjað er að gera grein fyrir afsetningu húsa. Kerfismót kynnt, Reglur og staðlar eru kynntir. Mælingar á byggingastað. Ákvæði byggingareglugerðar þar sem fjallað er um ferli frá hugmynd að húsi til fullbúins húss. Kynnt eru hugtök um krafta og álag sem hafa áhrif á mannvirki.

Nemandi skal hafa öðlast þekkingu og skilning á:

• byggingarreglugerð og skipulagslögum
• mismunandi mótum
• uppsetningu móta
• framkvæmdum á vinnustað
• hvernig á að færa til hæðakvóta á byggingastað
• mun á steypugerðum sem notaðar eru
• hvernig grundun, mælingu og byggingu steinsteyptra húsa er háttað
• faglegri nálgun við úrvinnslu verkefna
• grunnatriðum lengdar- og hæðarmælinga á byggingastað
• algengustu mæliaðferðum og mælitækjum
• mismunandi tegundum efna, véla og verkfæra
• einangrun botnplötu og sökkulveggja
• helstu einangrunarefnum sem notuð eru í húsgrunna
• þjöppun fyllingarefna og einangrun veggja og plötu
• muninum á hefðbundnum steypumótum og flekamótum
• smíði hefðbundinna steypumóta fyrir einstaka byggingarhluta
• öryggisráðstöfunum við smíði og niðurrif steypumóta
• framleiðslu og niðurlögn steinsteypu
• samsetningu og hörðnunarferli steinsteypu
• algengum útfærslum á undirstöðum úr steini

Nemandi skal hafa öðlast leikni í að:

• meðhöndla verkfæri og tæki
• meðhönla efni sem notuð eru
• meðhöndla mót miðað við nottkunargildi þeirra
• smíða og rífa niður steypumót fyrir byggingar og mannvirki
• staðsetja byggingarlínur með hornaslám og mæla lengdir
• afsetja hæðir á byggingarstað út frá föstum hæðarpunkti
• finna réttan halla á lögnum eða plani
• koma fyrir gluggum, hurðum og öðrum íhlutum í steypumót
• vinna að verkefnum sjálfstætt og í hóp

Nemandi skal geta hagnýtt þá almennu þekkingu og leikni sem hann hefur aflað sér til að:

• vinna í samræmi við lög, reglugerðir og staðla
• leiðbeina kranastjóra við flutning á efni og tækjum
• undirbúa steypumót fyrir niðurlögn steinsteypu
• sinna aðhlynningu og eftirmeðhöndlun steinsteypu
• smíða og setja upp verkpalla og fallvarnir
• aðlaga sig að mismunandi vinnuumhverfi

Grunnþættir menntunar

Í húsasmíði eru grunnþættir menntunar órjúfanlegur hluti af verklegu og bóklegu námi. Undirstaða faglegra vinnubragða er fjölþætt læsi, þar sem reynir á tæknilæsi á byggingauppdrætti, talnalæsi við efnistöku og gagnrýnið upplýsingalæsi. Námið hvetur til sjálfbærni með áherslu á umhverfisvitund, lágmörkun efnissóunar og skynsamlega nýtingu auðlinda. Jafnframt er heilbrigði og velferð í forgrunni í gegnum virka vinnuvernd, áherslu á rétta líkamsbeitingu og sterka öryggismenningu. Á verkstæðinu er unnið í anda lýðræðis, mannréttinda og jafnréttis; nemendur temja sér samvinnu, bera ábyrgð á eigin vinnubrögðum og taka þátt í jákvæðri vinnustaðamenningu þar sem öll fá jöfn tækifæri á eigin forsendum. Loks er húsasmíðin sjálf rík af sköpun, þar sem nemendur sameina handverk og skapandi lausnaleit til að takast á við krefjandi útfærslur, reisa mannvirki og efla um leið eigin fagmennsku.

• Læsi: Lögð er áhersla á læsi í víðum skilningi, þar sem nemendur þjálfast í að lesa úr og túlka teikningar, reikna út efnisnotkun, skilja verklýsingar og setja sig inn í lög og byggingarreglugerðir.
• Sjálfbærni: Nám og starfshættir mótast af umhverfisvitund og skynsamlegri nýtingu auðlinda. Nemendur þjálfast markvisst í að lágmarka efnissóun, flokka byggingarúrgang og skilja vistspor mannvirkjagerðar.
• Heilbrigði og velferð: Öryggi og vinnuvernd eru í forgrunni á vinnusvæði. Stuðlað er að vellíðan og líkamlegu heilbrigði með áherslu á rétta líkamsbeitingu við smíðar, örugga vélanotkun og samvinnu.
• Lýðræði og mannréttindi: Skólabragurinn byggist á samvinnu á verkstæðinu þar sem borin er virðing fyrir manngildi og skoðunum hvers og eins. Nemendur eru hvattir til að bera sjálfstæða ábyrgð á eigin námi og vinnubrögðum.
• Jafnrétti: Öllum nemendum eru sköpuð jöfn tækifæri til að rækta hæfileika sína og færni. Markvisst er unnið að því að opna augu nemenda fyrir kynskiptum vinnumarkaði í iðngreinum og stuðlað að jafnræði á vinnustað.
• Sköpun: Verkleg kennsla krefst stöðugrar gagnrýninnar hugsunar og skapandi lausnaleitar við raunhæf verkefni, allt frá hönnun og teikningu til tré- og mótasmíði. Hvatt er til frumkvæðis og litið á mistök sem dýrmæt tækifæri til að auka fagþekkingu.