FABL2FR05 - Fab Lab - Framhaldsáfangi

Undanfari : FABL2GR05
Í boði : Alltaf

Lýsing

Nýr áfangi - framhaldsáfangi í FABLAB fyrir nemendur sem hafa lokið grunnáfanga. Hér er farið dýpra í hönnun og framleiðslu hluta. Nemendur læra að nota fræsara ásamt því að dýpka sig í þrívíddarprentun og notkunarmöguleikum laserskera. Nemendur vinna bæði frjáls valverkefni sem og stærra lokaverkefni.

Í áfanganum er farið yfir ferli vöruþróunar frá hugmynd að vöru. Farið er yfir hugmyndavinnu, skissutækni, hönnun í tví- og þrívídd, fræsingu afsteypumóta og gerð afsteypa. Þá er einnig farið í ferli við að koma vöru á framfæri og nemendur gera sína eigin frumgerð að vöru til framleiðslu.

Nemandi skal hafa öðlast þekkingu og skilning á:
  • nýsköpun, hugverkarétti, höfundarétti
  • hugmyndavinnu, skissutækni
  • fræsivélum og gerð afsteypumóta
  • lokaverkefni í samráði við kennara

 

Nemandi skal hafa öðlast leikni í að:

  • geta framkvæmt verkefni frá hugmynd til frumgerðar
  • geta unnið skissu að frumgerð og kynnt fyrir öðrum
  • geta unnið við fræsivél og gert afsteypumót
  • geta gert afsteypu í plast og gúmmí

 

Nemandi skal geta hagnýtt þá almennu þekkingu og leikni sem hann hefur aflað sér til að:

  • geta beitt helstu áhöldum og tækjum sem notuð eru í Fab Lab
  • lesa og vinna eftir leiðbeiningum
  • þróa hugmyndir sjálfstætt og undir leiðsögn
  • skilja og nýta sér vinnuferli frá hugmynd til afurðar
  • meta og rökstyðja vinnu sína á öllum stigum vinnuferlisins
  • geta unnið sjálfstætt eftir verkáætlun, sem hann gerir sjálfur
  • hanna, teikna og framleitt eigin afurð

 

Áfanginn er símatsáfangi. Námsmat byggist upp á mati kennara og sjálfsmati nemenda. Við námsmat er horft til verklags, vandvirkni, frágangs, ígrundunar, rökstuðnings og þátttöku í kynningum á eigin verkum og annarra. Þá er í áfanganum unnið lokaverkefni sem metið er eftir frumleika, notkun grunnreglna, efnisvali og aðferðum.