Iðnreikningur
Einingafjöldi: 5
Þrep: 3
Farið er yfir helstu gerðir fiskineta, skilgreiningu þeirra og framleiðslu. Felling og áhrif hennar er skilgreind á stærð og lögun möskva og netsins í heild. Farið er yfir netskurð, gerð grein fyrir skurðarhlutfalli og skurðarmynstri og ýmsum stærðfræðiaðferðum í því sambandi. Gerð er grein fyrir útreikningi á flatarmáli nets og hver áhrif það hefur á mótstöðu netsins í drætti. Í áfanganum er farið yfir útreikninga á skurðarmynstri, fellingu og flatarmáli nets. Áfanganum líkur með prófi og mati á verkefnum gerðum á önninni.
Þekkingarviðmið
- hugtakinu neti og faglegum skilgreiningum neta
- aðferðir við mælingar veiðarfæra, mælitæki og mælitækni
- skilgreiningu á hugtakinu fellingu neta og aðferðir við reikninga
- skurði neta og áhrif hans á lögun þeirra. Aðferðir við reikning á skurð samkvæmt formúlum
- flatarmáli garns í netum og útreikningum þess
- gildi þyngda neta í veiðarfærum
- sjóþyngdum veiðarfæra. Fótreipi, þyngingar, uppdrif
- samsetningu neta, úrtökum og íaukningum
- stærðum veiðarfæra
- grandaralengdum
- stækkun og minnkun veiðarfæra
- framsetningu áætlana um breytingar veiðarfæra
Leikniviðmið
- nota hugtök og heiti á viðurkenndan og réttan hátt
- mæla veiðarfæri samkvæmt skilgreindum og með þeim tækjum sem á þarf að halda. Skrá niðurstöður mælinga á skipulegan hátt
- reikna út mismunandi fellingar á netum eftir því hvað á við í viðkomandi veiðarfæri og reikna út flatarmál þeirra eftir fellingarstuðli
- velja hentuga fellingu í réttan stað í veiðarfæri og í rétta tegund veiðarfæris
- reikna út mismunandi skurði á mis-munandi stöðum í netum veiðarfæra
- reikna út flatarmál garns í netum
- reikna út þyngdir neta í veiðarfærum
- reikna uppdrif efna sem sökkva ekki í sjó og vatni. Reikna uppdrif efna sem sökkva. Reikna sjóþyngd efna
- reikna út hentugar úrtökur og íaukningar í mismunandi netum. Setja saman stykki
- reikna út ummál trolla og nóta
- reikna út hentugar grandaralengdir fyrir troll
- reikna út hentuga stækkun / minnkun á veiðarfærum miðað við aðstæður
- gera raunhæfa tíma- og kostnaðaráætlun um breytingar á veiðarfærum
- reikna efnis- og verkkostnað (breytilegan kostnað) við verkefni
- áætla og/eða reikna heildarþyngd veiðarfæra útfrá teikningum
Hæfnisviðmið
- meta hvað hentar í hvert veiðarfæri
- meta staðsetningu á skurði til að ná eftirsóknarverði lögun á veiðarfæri
- meta áhrif mismunandi garnsverleika á dráttarviðnám togveiðarfæra
- ákvarða magn flota til að halda veiðarfæri í sem bestri vinnslustöðu
- ákvarða hvað þarf að setja neðan á veiðarfæri til að þau sitji sem best í notkun
- ákvarða hlutfall á milli möskva í netum til að þau opnist sem jafnast
- meta hentugt ummál með tilliti til stærðar veiðiskipa
- meta hentuga stækkun eða minnkun veiðarfæra eftir aðstæðum
- rökstyðja mat sitt og ákvarðanir með tilvísun í teikningar og útreikninga
- miðla upplýsingum á skýran og skilmerkilegan hátt
Nánari upplýsingar á námskrá.is