Gildi og einkunnarorð

Einkunnarorð Fjölbrautaskóla Suðurnesja eru Virðing - Samvinna - Árangur.

Skólinn leggur áherslu á gagnkvæma virðingu nemenda og starfsfólks.
Lögð er áhersla á heilbrigði og velferð einstaklingsins með því að skapa heilsusamlegt umhverfi og aðgang að hollri, fjölbreyttri og góðri næringu.
Skólinn stuðlar að jafnrétti og gerir öllum jafn hátt undir höfði óháð andlegu og líkamlegu atgervi, kyni, kynhneigð, litarhætti, trú, þjóðerni og efnahag.
Lögð er áhersla á að efla virðingu fyrir umhverfinu í víðu samhengi.

Skólinn leggur áherslu á að skapa jákvæðan og góðan starfsanda og gott starfsumhverfi sem tryggir að hver og einn fái tækifæri til að nýta hæfileika sína.
Í skólastarfinu er lögð áhersla á að efla lýðræðisleg vinnubrögð.
Lögð er áhersla á nána samvinnu við grunnskóla á svæðinu til að auka fljótandi skila á milli skólastiga.
Skólinn er í samstarfi við menntastofnanir jafnt hérlendis sem erlendis og tekur þátt í erlendum samstarfsverkefnum.
Lögð er áhersla á samvinnu við atvinnulífið vegna þróunar náms og kennsluhátta og starfsþjálfunar nemenda.

Skólinn leitast við að undirbúa nemendur vel hvort heldur er til frekara náms eða til starfa á vinnumarkaði.
Stuðlað er að fjölbreyttum kennsluháttum, fagmennsku kennara og námsmati þar sem áhersla er lögð á þekkingu, leikni og hæfni.
Skólinn leggur áherslu á öfluga skólaþróun og nýsköpun sem leiðir til framfara og eykur velgengni nemenda.
Í öllu starfi skólans er unnið að því að draga úr brotthvarfi nemenda.
Árangur skólastarfsins er metinn af matsnefnd skólans sem annast innra mat og gerir reglulegar úttektir á starfsemi skólans.
Reglulega eru gerðar ytri úttektir á starfi skólans af menntamálayfirvöldum.

Um skólann