Virðing-Samvinna-Árangur

Read in english  EnglishVeftré - Skrifstofa

 

 

 

Foreldrafélög

Foreldrafélög

Foreldraráð í framhaldsskólum eru lögbundin samkvæmt 50. gr. laga nr. 92/2008. Við hvern framhaldsskóla skal starfa foreldraráð. Skólameistari boðar til stofnfundar þess. Hlutverk foreldraráðs er að styðja við skólastarfið, huga að hagsmunamálum nemenda og í samstarfi við skólann efla samstarf foreldra og forráðamanna ólögráða nemenda við skólann. Félagsmenn eru foreldrar nemenda við skólann. Kjósa skal í stjórn ráðsins á aðalfundi þess. Foreldraráð tilnefnir einn áheyrnarfulltrúa í skólanefnd og setur sér starfsreglur. Í frumvarpi til laga um framhaldsskóla segir um 50. gr.:
Foreldraráð eru talin mikilvægur tengill milli skólans og forráðamanna ólögráða nemenda.

Dæmi um markmið slíks ráðs eru:

  • Að vera samráðs- og samstarfsvettvangur foreldra/forráðamanna.
  • Að stuðla að aukinni vitund foreldra/forráðamanna um forsjárskyldur sínar og þekkingu þeirra á réttindum og skyldum sínum og barna þeirra.
  • Að vera bakhjarl skólans og auka áhrif foreldra/forráðamanna sem hagsmunahóps um bættan hag og stöðu skólans.
  • Að hvetja til aukins stuðnings, aðhalds og hvatningar foreldra/forráðamanna við börn sín og nám þeirra.
  • Að koma á og tryggja öflugt og gott samstarf foreldra/forráðamanna, nemenda og starfsfólks skólans.

Heilsueflandi  SFR2014  SFR2015  SFR2016  SFR2017