Virðing-Samvinna-Árangur

Read in english  EnglishVeftré - Skrifstofa

 

 

 

ÍSA-3036

Íslenska sem annað tungumál
Í áfanganum er lögð áhersla á íslenskan orðaforða, lestur og ritun sem tengist tækni og vísindum. Áfanginn er hugsaður fyrir þá nemendur sem ætla sér að leggja stund á nám á sviði vísinda og tækni og er markmiðið að þjálfa nemendur með annað móðurmál en íslensku í að tileinka sér sérhæft námsefni á sviði vísinda og tækni. Nemendur fá tækifæri til að tjá sig í ræðu og riti og fá leiðbeiningar um framburð og málnotkun. Nemendur þjálfi hæfni sína til að beita fræðilegum hugtökum við umfjöllun, rökræður og samanburð ólíkra texta og læri um leið að nýta sér þekkingu sína og þjálfun við eigin textagerð.

ÍSA-2036

Íslenska sem annað tungumál - Ritun og námstækni
Í áfanganum er lögð áhersla á íslenskan orðaforða, málfræði, ritun, námstækni og notkun hjálpargagna. Markmiðið er að nemendur fái nægilega undirstöðu í íslenskri ritun, námstækni og námsgreinum til að geta skilið og tjáð sig í rituðu máli við nám og starf í íslenskum framhaldsskólum. Nemendur öðlast vald á undirstöðuþáttum sem eru forsendur góðrar framvindu í námi.
  • Undanfari: ÍSA 104/102

ÍSA-1036

Íslenska sem annað tungumál - Talað mál og lestur
Í áfanganum er lögð áhersla á íslenskan orðaforða, framburð, lestrarfærni, námstækni og notkun hjálpargagna. Markmiðið er að nemendur fái nægilega undirstöðu í lestri, talmáli, námstækni og hugtökum námsgreina til að geta tekið fullan þátt í námi og starfi í íslenskum framhaldsskólum. Nemendur öðlast vald á undirstöðuþáttum sem eru forsendur eðlilegrar framvindu í námi. Þeir lesa bókmenntatexta og ýmsa aðra texta við hæfi, átta sig á eðli þeirra og fá þjálfun í að tjá sig á skýru máli samkvæmt íslenskri málhefð. Áfanginn er hugsaður fyrir þá nemendur sem þurfa frekari undirbúning og aðstoð í íslensku og námi almennt til að geta stundað nám í íslenskum framhaldsskólum.

ÍSL-2936

Stafsetning
Áfanginn er ætlaður þeim nemendum sem ekki hafa staðist kröfur um stafsetningu í viðkomandi íslenskuáfanga (100, 102, 103, 202). Markmið áfangans er að nemendur nái tökum á helstu stafsetningarreglum og geti stafsett venjulegt mál villulítið.
  • Undanfari: Enginn

ÍÞF-3036

Þjálffræði
Í áfanganum er lögð áhersla á að nemendur læri um starfsemi hjarta og blóðrásarkerfis, lungna og taugakerfis og áhrif markvissrar þjálfunar á þessi líffærakerfi. Einnig er fjallað um gerð vöðvaþráða og áhrif mismunandi þjálfunar á starfsemi þeirra. Sérstök áhersla er lögð á að tengja lífeðlisfræði við íþróttaiðkun. Nemendur fá kennslu um þol, kraft, hraða og liðleika. Farið er yfir kannanir tengdar þrekþáttum. Komið er inn á tækni og tækniþjálfun íþróttamanna. Nemendur fræðast um skipulag þjálfunar íþróttamanna og mikilvægi markmiðssetningar í tengslum við áætlanagerð. Áfanginn er bæði bóklegur og verklegur.
  • Undanfari: ÍÞF 203
                                               Heilsueflandi2019                         

                                   Erasmus
SFR2018 SFR2017 SFR2016 SFR2015 SFR2014