RAFL3GD03 - Raflagnir 4

Lýsing

Í þessum áfanga er lögð áhersla á tengingar og efnisval á meðalstórum boðskiptakerfum s.s. tölvukerfi, símalagnir, dyrasímakerfi, loftnetskerfi og ljósleiðara. Einnig verða tengd brunakerfi bæði Analog og rásastýrð. Gerðar verða mælingar og farið í bilanarleit í þessum kerfum.

Nemandi skal hafa öðlast þekkingu og skilning á:

• lagningu bruna og boðskiptalagna
• Kröfum um frágang á köplum í rennum, bökkum og stigum
• uppröðun í tengiskápa
• mismunandi gerðum kapla eftir aðstæðum

Nemandi skal hafa öðlast leikni í að:

• tengja boðskiptalagnir við krosstengibretti (patcpanil) og annan endabúnað
• leggja og tengja tölvu, síma, hljóð, mynd og loftnetslagnir á fagmannlegan hátt
• setja upp og tengja mismunandi brunakerfi
• finna út bilanir og gera við þær

Nemandi skal geta hagnýtt þá almennu þekkingu og leikni sem hann hefur aflað sér til að:

• tengja loftnetskerfi og gera mælingarskýrslu
• tengja dyrasímakerfi og mæla út bilanir
• tengja boðskiptalagnir og krosstengibretti
• gera mælingarskýrslu og útlitsmynd af skáp
• geta valið búnað í ljósleiðarakerfi og umgengist búnaðinn af þekkingu
• ganga frá lögnum að brunakerfum og viðverukerfum
• tengja stjórnstöðvar brunakerfa

Grunnþættir menntunar

Í þessum áfanga er unnið markvisst að því að efla faglæsi nemenda á táknkerfi, teikningar og tæknilegar upplýsingar. Lögð er rík áhersla á sköpun og lausnamiðaða hugsun þar sem nemendur hagnýta þekkingu sína í raunhæfum verkefnum. Sjálfbærni og fagleg vinnubrögð eru fléttuð inn í námið með áherslu á skynsamlega nýtingu efnis og varanlegar lausnir. Öryggi er ætíð í forgrunni til að tryggja heilbrigði og velferð í vinnuumhverfinu. Lýðræði og mannréttindi birtast í því að ríkt samráð er haft við nemendur; þeim er tryggt rými til að veita ábendingar, eiga uppbyggilegt samtal við kennara um tímasetningar á verkefnum og prófum. Loks er jafnrétti lagt til grundvallar í öllu starfi, þar sem öllum eru tryggð jöfn tækifæri til að dafna og eflast sem fagaðilar í hvetjandi námsumhverfi.