Veiðarfæri, veiðitækni
Einingafjöldi: 3
Þrep: 3
Forkröfur: STÆR2AR05, ÍSLE2BR05 og NENG2EF02
Nemendur læra um helstu hluta veiðarfæra, hvernig þeir virka, veiða og tilgangi þeirra. Nemendur læra um kjörhæfni allra helstu veiðarfæra, kynnast þeim kröftum sem á þau verka, kostum þeirra og ókostum.
Þekkingarviðmið
- öllum veiðarfærum sem notuð eru við Ísland, fiski sem veiddur er í hvert veiðarfæri, árlegu aflamagni á hvert veiðarfæri, helstu veiðislóðum og aðstæðum til veiða, skipum; stærð, afla og veiðibúnaði um borð
- takmörkunum á notkun einstakra veiðarfæra við landið og orsakir þeirra
- stofnunum og starfi þeirra sem fást við rannsóknir og gagnaöflun og eftirlit með fiskveiðum og veiðitækni hérlendis: Hafrannsóknastofnun, Fiskistofu, Landhelgisgæslu, Háskólanum á Akureyri, Stofnun Sæmundar fróða, Matís.
- grunnupplýsingum og forsendum hönnunar í ljósi notkunar og hagkvæmni veiðarfæris
- helstu þáttum sem hafa áhrif á gæði og verðmæti hráefnis
- áhrifum veiðarfæra á afla og gæði fisks úr sjó
- grundvallaratriðum við skipulagningu hönnunar- og framleiðsluverkefnis veiðarfæra
- grundvallaratriðum við skipulagningu viðgerðaverkefnis veiðarfæra
Leikniviðmið
- lýsa fiskveiðum Íslendinga m.t.t. veiðarfæra, fisks sem veiddur er í hvert veiðarfæri, árlegu aflamagni á hvert veiðarfæri, helstu veiðislóðum og aðstæðum til veiða, skipum; stærð, afli og veiðibúnaði um borð
- leita, afla og meta upplýsingar frá viðkomandi stofnunum
- nota þau áhöld og tækni sem tiltæk eru til hönnunar
- hanna veiðarfæri í fullri stærð
- hanna veiðarfæri með hliðsjón af lágmörkun umhverfisáhrifa veiða
- hanna veiðarfæri með tilliti til meðferðar á afla og gæða fisks úr sjó
- setja upp áætlun um hönnunar- og framleiðslu-verkefni með hliðsjón af tíma, aðföngum og kostnaði
- kalla eftir áliti og afstöðu viðskiptavinar á verkefnisáætlun og leita formlegs samþykki á henni
- setja upp áætlun um viðgerðarverkefni með hliðsjón af tíma, aðföngum og kostnaði
- kalla eftir áliti og afstöðu viðskiptavinar á verkefnisáætlun og leita formlegs samþykki á henni
Hæfnisviðmið
- öðlast og efla yfirsýn yfir veiðarfæri og notkun þeirra
- meta notkunaraðstæður veiðarfæra; sjólag, strauma, dýpi, botngerð
- meta uppbyggingu, styrk, endingu og viðhaldsþörf veiðarfæra í ljósi hreyfanleika þeirra
- tengja hugmynda- og aðferðafræði hönnunar við hag-kvæmni í notkun veiðarfæra með tilliti til notkunaraðstæðna, stærðar, kostnaðar, veiðihæfni, endingar og viðhaldsþarfar
- afla upplýsinga og taka mið af reynslu skipstjóra og annarra sjómanna varðandi veiðar, veiðarfæri og umhverfi
- meta og virða mikilvægi umhverfisverndar við fiskveiðar
- meta og virða hagrænt mikilvægi góðrar aflameðferðar
- leggja mat á hugmyndir, óskir og kröfur viðskiptavina
- veita ráð og gera tillögur um útfærslur á hugmyndum, óskum og kröfum viðskiptavina varðandi hönnun, framleiðslu, viðhald og viðgerðir veiðarfæra
Nánari upplýsingar á námskrá.is