ÍÞRÓ1ÞS03 - Löggæslu og björgunarbraut

liðleiki, samvinna, styrkur, Þol

Einingafjöldi: 3
Þrep: 1
Áfanginn er verklegur 3 x í viku og miðar að því að undirbúa nemendur undir það líkamlega álag sem fylgir löggæslu- og björgunarstörfum. Aðaláherslan er lögð á þolþjálfun innan sem utandyra, styrktarþjálfun með eigin líkamsþyngd og í lyftingarsal og fjölbreytta liðleikaþjálfun. Unnið er að því að styrkja veikleika hvers og eins. Einnig reyna nemendur sig við hinar ýmsu íþróttagreinar og leiki. Unnið er með hópefli og samvinnu. Nemendur læra að skoða þjálfunarpúls sinn. Nemendur taka líkamsástandspróf í upphafi og lok annar og læra þannig að meta eigið líkamsástand. Haft er til hliðsjónar inntökupróf í lögregluskólann og slökkvilið. Nemendur eru hvattir til að rækta líkama sinn, þar sem löggæslu- og björgunarstörf reyna talsvert á þol og þrek einstaklinga.

Þekkingarviðmið

  • mikilvægi upphitunar og liðleikaþjálfunar
  • styrktarþjálfun
  • fjölbreytni allra þátta til eflingar líkama og heilsu
  • þoli, uppbyggingu þess og mismunandi þolþjálfun
  • forsendum og áhrifum þjálfunar á líkama og heilsu

Leikniviðmið

  • taka þátt í fjölbreyttri grunnþjálfun
  • mæla þol, styrk og liðleika
  • taka þátt í æfingum og hreyfingu sem stuðla að bættri líkamsbeitingu
  • taka þátt í markvissri þolþjálfun
  • taka þátt í markvissri og fjölbreyttri styrktarþjálfun
  • taka þátt í almennri og sérhæfðri upphitun íþróttagreina

Hæfnisviðmið

  • leysa af hendi verkefni sem snúa að skipulagi eigin þjálfunar
  • mæla og meta eigið þol, styrk og liðleika
  • standast þol- og styrktarpróf
Nánari upplýsingar á námskrá.is