FÉLA3ST05 - Stjórnmálafræði

stjórnmálafræði

Einingafjöldi: 5
Þrep: 3
Forkröfur: FÉLA2ES05
Framhaldsáfangi í félagsfræði en grunnáfangi í stjórnmálafræði þar sem lögð er áhersla á að beita rannsóknaraðferðum og kenningum með það að markmiði að auka þekkingu nemenda á stjórnmálafræði sem fræðigrein. Jafnframt verður leitast við að þeir öðlist færni í að beita hugtökum og helstu kenningum greinarinnar. Lögð er áhersla á að nemendur verði hæfari þátttakendur í lýðsræðisþjóðfélagi og geti lagt gagnrýnið mat á átakaefni í íslenskum stjórnmálum og rökstutt slíkt mat með fræðilegum vinnubrögðum. Jafnframt er mikilvægt að nemendur hafi skilning á íslenska stjórnkerfinu og helstu hugmyndafræðistraumum

Þekkingarviðmið

  • helstu hugtökum stjórnmálafræðinnar: þjóðernisstefna, stjórnkerfi, vald, fullveldi, mannréttindi og lýðræði
  • helstu hugmyndakerfum stjórnmálanna
  • framsetningu texta og fræðilegum vinnubrögðum
  • helstu hugmyndafræðistraumum íslenska stjórnkerfisins

Leikniviðmið

  • beita gagnrýninni hugsun í almennri umræðu
  • setja fram texta á fræðilegan hátt
  • greina íslenska stjórnkerfið og helstu einkenni þess
  • skilgreina ólík hugtök og nálganir í stjórnmálafræði
  • skýra hvernig hægt er að beita ólíkum kenningum í stjórnmálafræði
  • skýra hvernig beita má ólíkum hugmyndafræðistraumum í stjórnmálafræði til að auka skilning og víðsýni í þjóðfélagslegri umræðu

Hæfnisviðmið

  • skilja helstu aðferðir greinarinnar og nýta sér kenningar hennar í leik og starfi
  • beita gagnrýnni hugsun í fræðilegri og í almennri umræðu
  • skilgreina og skýra helstu hugtök greinarinnar
Nánari upplýsingar á námskrá.is