Leikhús og leikhúsbókmenntir
Einingafjöldi: 5
Þrep: 3
Forkröfur: Nemandi skal vera kominn á 3. þrep í íslensku
Í áfanganum er leikhúsið í víðum skilningi námsvettvangurinn. Nemendur kynnast íslensku leikhúsi og því sem það hefur upp á að bjóða hverju sinni. Þeir lesa valdar leikbókmenntir, sækja leiksýningar og fara í vettvangsferðir í tengslum við efni áfangans. Nemendur fræðast um leikrit sem sérstaka bókmenntagrein og skoða þau í samhengi við strauma og stefnur sem og víxlverkun þeirra við samtímann, samfélag og einstaklinga. Þá er lögð áhersla á að nemendur þjálfist í að mynda sér skoðun og tjá hana ásamt því að kynna sér skoðanir annarra.
Þekkingarviðmið
- hugtökum sem notuð eru við greiningu leikbókmennta
- formlegum og hugmyndalegum einkennum valinna leiksýninga
- í hverju leikhúsgagnrýni er fólgin
Leikniviðmið
- beita hugtökum bókmenntafræðinnar til greiningar á leikbókmenntum
- greina, túlka og njóta sviðslista
- viðra eigin hugmyndir og.setja þær fram munnlega og skriflega
Hæfnisviðmið
- sækja leiksýningar og setja í samhengi við samfélag sitt, einstakling og samtíma
- beita gagnrýninni hugsun og setja fram skoðanir sínar
- frekari þátttöku í menningarsamfélagi með því að njóta leiksýninga og skyldra menningarviðburða
Nánari upplýsingar á námskrá.is