STÆR2VH05(SB) - Stærðfræði - Vigrar og hornaföll

hornföll, vigrar o.fl.

Einingafjöldi: 5
Þrep: 2
Forkröfur: STÆR2AH05
Viðfangsefni áfangans eru t.d. vigrar: samlagning, frádráttur og margfeldi. Unnið með hornaföll, einingahringinn, hornafallareglur og lausn hornafallajafna. Keilusnið eru tekin fyrir: hringur, sporbaugur og breiðbogi. Mismunandi framsetning á jöfnu beinnar línu og einnig er unnið með almenna jöfnu línu og stikun línu

Þekkingarviðmið

  • vigrum í sléttum fleti og helstu eiginleikum þeirra
  • reiknireglum sem gilda um vigra
  • hornaföllum og reglum um notkun þeirra í þríhyrningum og lausn í hornafallajafna
  • keilusniðum, s.s. hring, sporbaug og breiðboga
  • stikun og almennri jöfnu línu

Leikniviðmið

  • beita helstu reiknireglum vigurreiknings, s.s. að finna hnit vigra, lengd þeirra, innfeldi tveggja vigra og horn milli vigra
  • nota hornaföll til að finna hliðarlengdir, horn og flatarmál þríhyrninga
  • einfalda og umrita stæður sem innihalda hornaföll og leysa hornafallajöfnur
  • finna miðju og radíus hrings út frá jöfnu hans og öfugt, og vinna á samsvarandi hátt með jöfnur, sporbauga og breiðboga
  • finna stikun og almenna jöfnu línu milli tveggja punkta og breyta almennri jöfnu yfir í stikun og öfugt
  • finna stikun hrings

Hæfnisviðmið

  • setja margskonar verkefni upp með táknmáli stærðfræðinnar og leysa þau
  • beita skipulögðum aðferðum við lausn verkefna og rökstyðja aðferðir sínar
  • skrá lausnir sínar skipulega og skiptast á skoðunum um þær við aðra
  • átta sig á tengslum aðferða við framsetningu
  • beita frumkvæði, innsæi og frumleika við lausn verkefna
Nánari upplýsingar á námskrá.is