ÍÞRÓ1BO01(SB) - Boltaleikir

Boltaleikir

Einingafjöldi: 1
Þrep: 1
Áfanginn er verklegur. Farið er í ýmsa boltaleiki eins og t.d. brennó, kýló, fótbolta, handbolta, blak, körfubolta og fleira sem eflir þol og þrek nemenda. Nemendur eru hvattir til að rækta líkama sinn sér til heilsubótar og ánægju

Þekkingarviðmið

  • helstu leikreglum í margvísulegum boltaleikjum og boltaíþróttagreinum
  • mikilvægi hreyfingar
  • líkamlegri, andlegri og félagslegri heilsu
  • leiðum til að nýta líkams- og heilsurækt við daglegar athafnir
  • gildi samvinnu,umburðarlyndis og virðingar í leik, keppni og starfi
  • forvarnargildi líkamsræktar
  • mikilvægi upphitunar

Leikniviðmið

  • iðka hina ýmsu boltaleiki
  • beita grunntækni boltaíþrótta
  • leika sér og hreyfa sig sér til heilsubótar og ánægju
  • vinna með öðrum að lausnum verkefna
  • taka tillit til annarra og hvetja þá

Hæfnisviðmið

  • stunda hreyfingu án mikils tilkostnaðar
  • sýna öðrum virðingu við leik, keppni, nám og störf
  • vinna að bættri heilsu í samvinnu við aðra
  • styrkja jákvæða sjálfsmynd með þátttöku í greininni
  • gera hreyfingu að lífsstíl
Nánari upplýsingar á námskrá.is