HEFR1HÖ02 - Heimilisfærni með áherslu á framleiðslu vara sem fegra heimilið

Ný menntastefna er höfð til grundvallar og grunnþættir menntunar eru hafðir að leiðarljósi. Í þessum áfanga fá nemendur tækifæri til að kynnast ferlinu á hönnun og framleiðslu vöru til heimilisskreytinga. Áhersla er lögð á að nemendur fái að taka þátt í og skapa ferlið sjálfir allt frá hugmyndavinnu, skipulagi, sköpun og loks framleiðslu. Markmiðið er að nemendur fái að kynnast fjölbreytni í listsköpun með áherslu á það sem er vinsælt í samtímanum. Nemendur fá kynningu á því hvernig finna megi vinsælar síður á netinu til að sjá hvað er vinsælast í heimilisskreytingum hverju sinni.