LÝÐH1XX02 - Lýðheilsa með áherslu á bóklegt nám

hreyfing og lýðheilsa - bóklegt

Einingafjöldi: 2
Þrep: 1
Forkröfur: Engar
Ný menntastefna er höfð til grundvallar og grunnþættir menntunar eru hafðir að leiðarljósi. Áfanginn er bóklegur og fer fram í formi umræðna og tímaverkefna. Unnið verður með forvarnir sem tengjast hreyfingu, næringu, umhverfi, áfengi, reykingum, fíkniefnum, hreinlæti, tannheilsu, kynsjúkdómum og getnaðarvörnum. Lögð verður áhersla á að auka heilsulæsi, en það eru hæfileikar sem ráða því hversu vel nemanda gengur að nálgast upplýsingar og nýta sér þær til að efla og viðhalda góðri heilsu.

Þekkingarviðmið

  • Hugtökunum um forvarnir og heilbrigði
  • Mikilvægi góðrar heilsu
  • Hvað reglubundin hreyfing er góð forvörn fyrir ýmsa langvinna sjúkdóma
  • Helstu flokkum næringarefna
  • Mikilvægi þess að velja hollt mataræði framyfir óhollt
  • Skaðsemi reykinga, áfengis og vímuefna á líkamlega, andlega og félagslega heilsu
  • Hvernig umhverfið og nærsamfélagið hefur áhrif á lífsgæði fólks

Leikniviðmið

  • Lesa innihaldslýsingar á matarumbúðum
  • Nýta sér heimasíður, bæklinga og rannsóknir til þess að viðhalda og/eða bæta eigin heilsu

Hæfnisviðmið

  • Nýta heilsulæsi sitt til að nálgast upplýsingar og nýta sér þær til að efla og viðhalda góðri heilsu
Nánari upplýsingar á námskrá.is