LÝÐH1HR02 - Lýðheilsa með áherslu á hreyfingu

Ný menntastefna er höfð til grundvallar og grunnþættir menntunar eru hafðir að leiðarljósi. Áfanginn er verklegur og fer fram í íþróttasal eða utandyra. Áhersla er lögð á grunnþætti þols, styrktaræfingar og liðleika. Fjölbreyttar aðferðir verða notaðar til að auka úthald, s.s útihlaup/ganga, þrektæki, stöðvaþjálfun og leikir. Reynt verður að hafa æfingar við áhuga, hæfi og getu hvers og eins. Farið verður í æfingar til að bæta líkamsstyrk, s.s. æfingar með eigin líkamsþyngd eða í tækjasal. Gerðar verða teygjuæfingar í lok kennslustundar og farið yfir mikilvægi þeirra.