MRF-1024

Helstu heiti og hugtök rafmagnsfræði eru rifjuð upp. Öll tákn og einingar eru skilgreindar samkvæmt SI-kerfinu. Fjallað er um mismunandi aðferðir til myndunar rafspennu. Fjallað er um rafstraum, afl, orku og varðveislu orku. Leiðarar eru teknir fyrir (viðnám þeirra, áhrif umhverfishita og álagsstrauma). Lögmál Ohms, Kirchoffs og Joules eru kynnt. Sýnt er hvernig sínuslaga riðspenna myndast við hringhreyfingu vindings í segulsviði (riðstraumsrafall). Útskýrð er gerð vísa og vektorteikninga af sínuslaga spennum (straumum) og notkun hornafalla við útreikninga þeirra. Gildi riðspennu er útskýrð (toppgildi, vinnugildi o.fl.). Fjallað er um span og sjálfspan. Lýst er uppbyggingu og virkni segulspólu og spenna (gerð jafngildismynd). Fjallað er um rafhleðslu og rýmd. Lýst er gerð og virkni algengustu rafþétta. Þá er gerð grein fyrir sambandi straums og spennu í riðstraumsrásum með blönduðu álagi (viðnámi, spólu og þéttum) svo og riðstraumsafli (raun-, laun- og sýndarafli), aflstuðli, fasviki og fasviksjöfnun. Ýmis rásaverkefni eru leyst. Ýmis neyslutæki eru skoðuð (kennispjöld, málgildi og merkingar). Fjallað er um einfasa og þrífasa aflspenna (málafl, málspennur og skammhlaupsspenna). Lýst er uppbyggingu einfasa og þrífasa veitukerfa. Skilgreind eru gildi á spennum og straumum í þrífasa dreifikerfum. Farið er í útreikninga á álagsstraumum: a) Einfasaveitu, b) þrífasaveitu með jafnlægu álagi og c) þrífasaveitu með ójafnlægu álagi. Fjallað er um álagsjöfnun, m.a. samtímaálag og samtímastuðla, afl og orkumæla og mælaspenna.