Virðing-Samvinna-Árangur

Read in english  EnglishVeftré - Skrifstofa

 

 

 

Tölvuaðgangur

Skólinn úthlutar nemendum tölvupóstfangi og með þeim aðgangi fylgir leyfi fyrir allt að fimm eintökum af Microsoft Office hugbúnaðarpakkanum fyrir allar gerðir tölva.  

Aðgangur að tölvupóstkerfinu fer fram í gegnum vef skólans (Vefpóstur) eða af slóðinni http://portal.office.com og þarf að nota notendanafn og lykilorð sem nemendur geta nálgast á bókasafni skólans.  

Hérna má sjá leiðbeiningar um hvernig Office pakkinn er settur upp og leiðbeiningarnar gilda bæði fyrir Apple og Windows tölvur.

Sálfræðingar


Sálfræðingar

Sálfræðingar eru til viðtals fyrir nemendur skólans.

Skrifstofa sálfræðinga er við hliðina á sjúkraliðastofunni 231, innst á ganginum á 2. hæð.
Hægt er að panta viðtalstíma hjá námsráðgjöfum.
Ekki þarf að panta í opna tíma en þeir eru hugsaðir fyrir styttri viðtöl.

Á haustönn 2019 eru viðtalstímar eftirfarandi:

Þriðjudagar Viðtalstími kl. 8:30 til 14:30 Kristín Guðrún Reynisdóttir
  Opinn tími kl. 10:00 til 11:00 Kristín Guðrún Reynisdóttir
Miðvikudagar Viðtalstími kl. 8:30 til 14:30 Kristín Guðrún Reynisdóttir
  Opinn tími kl. 10:00 til 11:00 Kristín Guðrún Reynisdóttir

 

Sálfræðingar á vegum fræðslusviðs Reykjanesbæjar veita nemendum skólans sálfræðiþjónustu þeim að kostnaðarlausu. Þjónustan felst í einstaklingsviðtölum, þar sem áhersla er lögð á ráðgjöf, fræðslu og stuðning. Tilgangur þjónustunnar er að stuðla að almennri velferð nemenda skólans og að aðstoða nemendur við að fá þá aðstoð sem viðkomandi þarf á að halda hjá viðeigandi meðferðaraðila.

Þau Kristín Guðrún Reynisdóttir sálfræðingur og Einar Trausti Einarsson yfirsálfræðingur hjá fræðslusviði Reykjanesbæjar verða með fasta viðtalstíma í FS og eru með aðstöðu á sama stað og hjúkrunarfræðingurinn, á annarri hæð álmu 3. Til að panta viðtalstíma hjá þeim senda nemendur, forráðamenn eða starfsmenn tölvupóst á netfangið This email address is being protected from spambots. You need JavaScript enabled to view it. með upplýsingum um nafn, kennitölu og símanúmer nemandans. Þá eru nemendur, forráðamenn eða starfsmenn hvattir til að setja fram stutta lýsingu á ástæðu komu, ef þeir treysta sér til.

Fylla þarf út upplýsingablað fyrir sálfræðing og skila í lokuðu umslagi í pósthólf sálfræðings sem er fyrir framan viðtalsherbergið eða til náms- og starfsráðgjafa. Upplýsingablaðið má nálgast fyrir framan viðtalsherbergi sálfræðinga, hjá náms- og starfsráðgjöfum og á vef skólans.

Þá geta nemendur einnig mætt fyrir framan skrifstofu sálfræðings þegar auglýstir eru opnir tímar. Opnir tímar eru hugsaðir sem stutt ráðgjafaviðtal þar sem nemandi þarf ekki að panta tíma, né fylla út upplýsingablaðið og er miðað við að viðtölin séu um 10 - 15 mínútur.

Hægt er að senda fyrirspurnir til Kristínar og Einars Trausta með því að senda tölvupóst á netfangið This email address is being protected from spambots. You need JavaScript enabled to view it..

 

Algengar spurningar


Hverjir hafa aðgang að viðtölum hjá sálfræðingi á vegum FS?
Nemendur Fjölbrautaskóla Suðurnesja hafa aðgang að sálfræðiþjónustu, þeim að kostnaðarlausu. Einnig stendur starfsfólki skólans til boða að leita ráðgjafar í tengslum við nemendur sína, þar sem reglum um persónuvernd og trúnað er fylgt.

Hverjir eiga erindi til sálfræðings?
Í raun allir þeir sem vilja hlúa að andlegri heilsu sinni, hafa spurningar um andlega líðan eða telja sig þurfa aðstoð til að líða og/eða ganga betur. Ekkert erindi er of lítilvægt til að óska eftir áliti sálfræðings. Ástæður þess að fólk leitar til sálfræðings eru margvíslegar, þar má nefna lítið sjálfstraust, lágt sjálfsmat, félagslegir erfiðleikar, erfiðleikar við að standast kröfur annarra (sbr. nám/vinir/foreldrar), slök skólasókn, kvíði og depurð. Stundum þurfum við aðstoð til að takast á við erfiðleika sem þessa á árangursríkan hátt, þannig getum við stuðlað að bættri líðan og dregið úr líkunum að vandinn versni. Sért þú í vafa, hvetjum við þig til að nýta þér opinn viðtalstíma.

Hvað er gert í viðtalstímum hjá sálfræðingi FS?
Í viðtalstímum sálfræðinga í FS er lögð áhersla á ráðgjöf, fræðslu og stuðning. Viðtölin eru sniðin eftir þörfum hvers og eins. Viðtölin byggjast á samvinnu, þar sem nemendur og sálfræðingur vinna saman að kortlagningu vandans og setja sameiginleg markmið til að takast á við hann. Samvinna þar sem nemendur leggja til sérþekkingu sína um eigin líðan og sálfræðingar sérþekkingu sína um árangursríkar leiðir til að takast á við erfiðleika. Í þeim tilfellum þar sem nemendur þurfa frekari aðstoð, koma sálfræðingar til með að beina nemendum í viðeigandi þjónustu.

Ég er nemandi í FS og langar til að hitta sálfræðing skólans, hvað geri ég?
Þú sem nemandi skólans getur pantað tíma hjá sálfræðingi eða mætt í opinn tíma. Þú getur einnig leitað aðstoðar hjá starfsfólki skólans eða foreldrum/forráðamönnum þínum, sem geta óskað eftir viðtalstíma fyrir þig.

Til að panta tíma hjá sálfræðingi sendir þú tölvupóst á netfangið This email address is being protected from spambots. You need JavaScript enabled to view it. með upplýsingum um nafn, kennitölu og símanúmer. Þá hvetjum við þig til að setja fram stutta lýsingu á ástæðu komu, ef þú treystir þér til. Haft verður samband við þig við fyrsta tækifæri og þér boðinn tími.

Þá ert þú einnig hjartanlega velkominn í opinn tíma sálfræðings, sem eru á þriðjudögum og fimmtudögum milli kl 11 og 12. Þá mætir þú fyrir framan skrifstofu sálfræðings og bíður þess að fá viðtal. Ef hurðin er lokuð, biðjum við þig um að sýna biðlund þar til þér er boðið inn. Opnir tímar eru hugsaðir sem stutt ráðgjafarviðtal og er miðað við að viðtalið sé um 10-15 mínútur.

Salfraedi 01
Af hverju þarf ég að fylla út upplýsingablað eftir að ég hef pantað tíma?
Upplýsingablaðið inniheldur gagnlegar upplýsingar fyrir sálfræðinginn. Það hjálpar honum að undirbúa viðtalstímann, inniheldur upplýsingar um hvernig best er að ná í þig og upplýst samþykki þitt. Þú þarft aðeins að fylla út upplýsingablaðið fyrir fyrsta viðtalstímann. Upplýsingablaðinu er skilað í póstkassa sálfræðings sem er staðsettur fyrir framan viðtalsherbergi þeirra. Einnig má skila því til náms- og starfsráðgjafa sem skilar því til sálfræðingsins.
>> Upplýsingablað (PDF-skjal)

Hver er munurinn á bókuðum viðtalstíma og opnum tíma?
Bókaðir viðtalstímar eru yfirleitt um 45 mínútur. Þar setja nemandi og sálfræðingur fram sameiginleg markmið og skilgreina leiðir til að vinna að markmiðunum. Þar gefst nemendum og sálfræðingi meiri tími til þess að vinna saman, þar sem hvert viðtal er lengra og yfirleitt um fleiri en einn viðtalstíma að ræða.
Opnir viðtalstímar eru skemmri viðtöl, um 10-15 mínútur. Þar gefst nemendum tækifæri til að fá stutta ráðgjöf og svör við spurningum sem þeir kunna að hafa. Nemendur sem eru óvissir hvort þeir eigi erindi til sálfræðings eða hafa spurningar um þjónustu hans eru hvattir til að nýta sér opna tíma.

Salfraedi 02
Getur foreldri/forráðamaður óskað eftir viðtali fyrir barn sitt?
Já, það getur hann með því að senda tölvupóst á netfangið This email address is being protected from spambots. You need JavaScript enabled to view it., með upplýsingum um nafn og símanúmer foreldra og nemanda. Þá eru foreldrar hvattir til að setja fram stutta lýsingu á ástæðu komu, ef þeir treysta sér til. Einnig eru foreldrar/forráðamenn beðnir um að fylla út sérstakt upplýsingablað og skila því í lokuðu umslagi í póstkassa sálfræðings fyrir utan viðtalsherbergi hans eða til náms- og starfsráðgjafa. Upplýsingablaðið má nálgast fyrir utan skrifstofu sálfræðinga, hjá náms- og starfsráðgjafa og á vef skólans. Mikilvægt er að þetta sé gert í fullu samráði við nemandann. Haft verður samband við nemandann við fyrsta tækifæri og honum boðinn tími.

Salfraedi 03
Getur starfsmaður skólans óskað eftir viðtali fyrir nemanda skólans?
Já, það getur hann með því að senda tölvupóst á netfangið This email address is being protected from spambots. You need JavaScript enabled to view it., með upplýsingum um nafn, kennitölu og símanúmer nemanda. Þá er starfsfólk hvatt til að setja fram stutta lýsingu á ástæðu komu, ef það treystir sér til. Einnig er starfsmaður beðinn um að fylla út sérstakt upplýsingablað og skila því í lokuðu umslagi í póstkassa sálfræðings fyrir utan viðtalsherbergi hans eða til náms- og starfsráðgjafa. Upplýsingablaðið má nálgast fyrir utan skrifstofu sálfræðinga, hjá náms- og starfsráðgjafa og á vef skólans. Mikilvægt er að þetta sé gert í fullu samráði við nemandann og foreldra/forráðamenn eigi það við. Haft verður samband við nemandann við fyrsta tækifæri og honum boðinn tími.

Salfraedi 04
Getur starfsmaður skólans óskað eftir áliti/ráðgjöf sálfræðings, er varða eigin aðkomu og samskipti við nemendur?
Já, sálfræðingur FS veitir starfsfólki skólans ráðgjöf um samskipti við nemendur. Tvær leiðir eru í boði. Annars vegar er hægt að óska eftir ráðgjöf þar sem upplýst samþykki nemandans liggur fyrir. Ef nemandi er yngri en 18 ára þarf upplýst samþykki foreldra/forráðamanna. Hins vegar er hægt að óska eftir almennri ráðgjöf, þar sem mál nemenda eru rædd án þess að hægt sé að rekja þau til einstakra nemenda. Þá þarf ekki upplýst samþykki.
Til að óska eftir ráðgjöf sendir starfsmaður tölvupóst á This email address is being protected from spambots. You need JavaScript enabled to view it.. Haft verður samband við starfsmanninn við fyrsta tækifæri og bókaður tími.

Salfraedi 05
Hvað eru viðtöl við sálfræðing yfirleitt löng?
Bókaður viðtalstími er yfirleitt um 45 mínútur. Opinn viðtalstími er um 10 til 15 mínútur.

Er hægt að óska eftir meðferð hjá sálfræðingi á vegum FS?
Sálfræðingar á vegum FS veita ekki klíníska meðferð. Þess í stað er lögð áhersla á fræðslu, ráðgjöf og stuðning fyrir nemendur. Sé það sameiginlegt mat nemanda og sálfræðings að þörf sé á frekari þjónustu, aðstoðar sálfræðingur nemandann við að sækja um viðeigandi þjónustu.

Er hægt að óska eftir greiningu hjá sálfræðingi á vegum FS?
Sálfræðingar á vegum FS veita ekki klíníska greiningarþjónustu. Hins vegar er lagt mat á birtingarmynd vandans og þörf fyrir þjónustu metin, án þess að afstaða sé tekin til sjúkdómsgreininga. Sé það sameiginlegt mat nemanda og sálfræðings að þörf sé á klínískri greiningarvinnu, aðstoðar sálfræðingur nemandann við að fá viðeigandi þjónustu.

Hvar er sálfræðingurinn staðsettur?
Sálfræðingurinn er með aðstöðu í viðtalsherbergi hjúkrunarfræðings á annarri hæð í álmu 3, við hliðina á stofu 231 (sjúkraliðastofunni).

Er sálfræðingur bundinn trúnaði?
Já, sálfræðingur er bundinn þagnarskyldu samkvæmt lögum nr. 34/2012 um heilbrigðisstarfsmenn og siðareglum sálfræðinga.
Í siðareglum sálfræðinga stendur um þagnarskyldu;

Salfraedi 06
Þarf ég að láta foreldra mína vita ef mig langar til þess að fara í viðtal hjá sálfræðingi?
Nei, þú þarft ekki að láta foreldra þína vita. Samkvæmt svari umboðsmanns barna mega þeir sem eru eldri en 16 ára fara sjálfir til sálfræðings, án vitundar foreldra. Við hvetjum þig þó eindregið til þess að leita til foreldra þinna, ef þú treystir þér til.
Sjá svar umboðsmanns barna með því að smella hér.

Hvað geri ég ef ég kemst ekki í bókaðan tíma?
Mikilvægt er að afbóka tíma með góðum fyrirvara. Gott er að miða við sólarhring áður. Ef eitthvað skyndilegt kemur upp á, s.s. veikindi ert þú beðinn um að afboða við fyrsta tækifæri. Ef til vill geta aðrir samnemendur þínir nýtt sér tímann.

Síðast breytt: 6. febrúar 2019

Að ná árangri í námi - vinnubrögð

 

Árangur í námi


Að ná árangri í námi - vinnubrögð

Ýmislegt má gera til að auka námsárangur svo sem: Mætingar, skipulag, áhugi, viðhorf og metnaður.

        Mætingar - mikilvægt er að einstaklingurinn mæti í tíma því þar fer kennslan fram og grunnur lagður að vinnunni.
        Skipulag - mikilvægt er að skipuleggja og nýta tímann vel. Gott er að gera áætlanir um það hvernig markmiðum skal náð en gæta þess vel að áætlanir séu raunsæjar! Námsráðgjafarnir í skólanum geta liðsinnt þér.
        Áhugi - mikilvægt er að við höfum áhuga á því sem við erum að gera. Það gerir námið skemmtilegra og auðveldara.
        Viðhorf - jákvæð viðhorf til náms eru afar mikilvæg og þau geta einnig kveikt áhuga. Rétt hugarfar og viðhorf eru atriði sem við getum haft stjórn á með hugsunum okkar, mundu það!
        Metnaður - mikilvægt er að hafa metnað fyrir því sem við erum að gera hverju sinni. Hann er æskilegur hvati í námi en við verðum þó að vera raunsæ.

Forvarnafulltrúi

AnnaTaylor2015Forvarnafulltrúi

Forvarnafulltrúi:
Anna Karlsdóttir Taylor

Anna er með viðtalstíma á þriðjudögum kl. 10:25-11:05.  Spyrjið um Önnu á kennarastofu eða leitið til skrifstofu.

Forvarnastefna Fjölbrautaskóla Suðurnesja
Áætlun gegn einelti
Starfslýsing forvarnafulltrúa

Ráðgjöf - aðstoð Sími
Hjálparsími Rauða krossins 1717
Stígamót 800-6868 / 562 - 6868
Vímulaus æska / Foreldrahús 581-1799
SÁÁ 530-7600
Umboðsmaður barna 552-8999 / 800-5999
Landlæknir 510-1900
Blátt áfram 533-2929
Símsvari fíkniefnamála - Lögreglan í Keflavík 420-2456
   
88 húsið
Forvarnir.is - Vefsetur um vímumál
Ýmsir upplýsingavefir (hjá FÁ)


Síðast breytt: 7. október 2016

                                               Heilsueflandi2019                         

                                   Erasmus
SFR2018 SFR2017 SFR2016 SFR2015 SFR2014